Шимкентда шаҳар ҳоки­ми иштирокида ўтган маж­лисда бир неча тарихий ёд­­горликлар тақдири ҳал бўл­­­­­­­­­­­­­­­­ди. Йиғинда таниқли та­­­­­рихчилар, меъморлар ва ҳокимлик бўлимлари ва­киллари қатнашдилар.

– Шимкент шаҳридаги Эски ша­ҳар­ча ҳудудида фақат илмий изла­ниш тадбирларини юритиш мумкин. Эски шаҳарча ЮНЕСКО рўйхатига кириши учун барча ишлар шу халқаро ташкилот конвенциясига мувофиқ олиб борилиши зарур. Агар бизнинг тарихий ёдгорликлар – мазкур шаҳарча ва Сайрам ЮНЕСКО ёдгорликлари тизимига кирса, улар дунёдаги тарихий ёдгор­ликларга тенглаштирилади, – деди академик Бауржан Байтанаев. 

Шунга мувофиқ, йиғин давомида бир қанча аҳамиятли қарорлар қабул қилинди. 

– Меъморий ёдгорлик атрофини замонавий қурилишлардан тозалаш, ҳудудларни давлат қарамоғига олиш, ушбу лойиҳага маблағ ажра­тишга тайёр тадбиркорларни жалб этиш зарур. Энг асосийси, кўзланган ишларни амалга ошириш учун одамда қатъий истак бўлиши керак, – деди Шимкент шаҳри ҳокими Ғ. Абдирахимов.