Вилоят ҳокими Ў. Шўкеев Ўзбекистон Республикаси Президенти топшириғига кўра минтақамизга келган делегация вакиллари билан учрашди.

Учрашув чоғида томонлар Туркистон шаҳридаги Индустриявий минтақада очилажак янги тикувчилик фабрикаси қурилишига доир масалаларни муҳокама қилди.

Агар ушбу корхона ишга туширилса, 1200 одам доимий иш билан таъминланади.

Ўзбекистондан ташриф буюрган делегация етакчиси ЎзР Президенти маслаҳатчиси, Фавқулодда вазиятлар бўйича вазир Турсинхон Худойбергеновнинг айтишича, ушбу фабрикада бошқалар билан бир қаторда, ногирон аёллар ва кам таъминланган оилалар вакиллари ҳам ишга қабул қилинади. 

Бу ерда костюм ва спорт кийимлари тикилади. Дастлабки сармояни Ўзбекистон давлати бериб, мутахассисларни ҳам жалб этади.

Дарвоқе, меҳмонлар хизмат сафари чоғида шаҳарга кираверишдаги масжид қурилиши билан танишдилар. Бениҳоя салобат кашф этган ҳолда қад ростлаётган ушбу масжид қурилиши ўтган йилнинг декабрида бошланган бўлиб, у Туркистон шаҳрига қўшни Ўзбекистоннинг туҳфаси. Ноёб лойиҳа қурилишини шахсан қўшни давлат Президенти Шавкат Мирзиёев қўллаб-қувватламоқда, қурилиш жорий йил кузда ниҳоясига етади, деб кутилмоқда.