Нур-Султанда Элбошига ҳайкал очилди

ҚР Президенти Тўнғич Президент – Элбоши Нурсултан Назарбаев ҳайкалининг онлайн-очилиш маросимида иштирок этди. 

Давлат раҳбари ўз нутқида Н. Назарбаев замонавий Қозоғистонга асос солиб, суверен давлатимизнинг 

стратегик тараққиёт йўлини белгилаб, халқимизни умумий мақсад сари чорлаганини таъкидлади. 

– Бугунги барқарорлик ва тинчлик, фаровонлик ва бирдамлик – Элбоши олиб борган оқилона сиёсат самарасидир. Ҳар қандай мамлакат тарихида ўчмас из қолдирган ноёб одамлар бор. Уларнинг меҳнатини қадрлаш ва тарғиб қилиш ёш авлоднинг бурчидир, – деди Қасим-Жўмарт Тўқаев.

Президентнинг сўзларига кўра, Қозоғистон Қуролли Кучлари Биринчи Президент фармони билан ташкил этилгани боис, ушбу ёдгорликнинг Миллий мудофаа университети олдига ўрнатилиши рамзий аҳамиятга эга. Президент мамлакат мудофаа қобилиятини мустаҳкамлашга алоҳида эътибор қаратди. Ҳатто энг оғир пайтларда ҳам давлат замонавий қурол-аслаҳаларни сотиб олиш, ички мудофаа саноатининг имкониятларини ошириш, ҳарбий хизматчиларни уй-жой билан таъминлаш, иш ҳақи, пенсияларни ўз вақтида тўлаш каби муаммоларни мақбул равишда ҳал қилишга муваффақ бўлинди.