Мақтаарал туманидаги фавқулодда вазият оқибатларини бартараф этиш масалалари вилоят ҳокими Ўмирзақ Шўкеев ўтказган девон йиғилишида муҳокама қилинди. Минтақа раҳбарининг топшириқларига кўра бу ерда иш суръати кучайтирилган. Уйлар қурилиши белгиланган муддатда, яъни 1 августда битказилиши лозим. 

– Ишлар қатъий назорат қилиниб, пудратчилар билан тиғиз алоқада иш юритиш зарур. Ижтимоий иншоотлар қурилиш ҳам эътибордан четда қолмаслиги даркор. Мазкур ишларнинг ўз муддатида тугалланишига бевосита жавобгар эканликларингизни яна бир бор эслатаман, – деди Ўмирзақ Естайули.

“Сардоба” сув омборининг бузилиши туфайли Мақтарал туманидаги бешта аҳоли манзилидаги 866та уй зарар кўрган эди. Женис, Жанатурмис, Дўстиқ қишлоқлари аҳлининг розилиги бўйича Мирзакентда 386та хусусий уй қурилиши олиб борилмоқда. Жумладан, 196та уй давлат бюджети ҳисобидан, қолган 190та уй “Б. Утемуратов”, “Салиқали урпақ”, “Биз биргамиз” жамғармалари ҳисобидан қурилмоқда. Бунёдкорлик ишларига 1550 ишчи ва 150та техника сафарбар этилган. Бугунги кунда 200тача уйнинг қурилиши тугалланиш арафасида.

Фавқулодда вазият натижасида вилоят энергетика ва уй-жой коммунал хўжалиги бошқармаси икки йўналишда иш юритмоқда.