Вилоятимизда 23 июнь – Давлат хизматчилари куни муносабати билан ушбу соҳа хизматчилари ҳамда давлат хизматига даъвогар ёшлардан ташкил топган гуруҳ, 130 нафар йигит-қиз флеш-моб уюштирди.

Жанубий Қозоғистон вилояти ҳокимлиги ва ҚР Давлат хизмати ишлари ҳамда уюшган жиноятчиликка қарши ҳаракатлар агентлигининг ЖҚВ департаменти ташкилотчилигида ўтган тадбирда ЭКСПО-2017 кўргазмасига мўлжалланган “Элимизнинг келажак энергияси – давлат хизматчиси” театрлаштирилган-хореографик кўриниш, “Қозоғистон халқининг бирлиги” хореографик композицияси ва касб байрамига бағишланган Бахитжан Мустафаевнинг “Давлат хизматчиси” қўшиғига қўйилган апликациявий саҳна асари намойиш этилди.    

Умуман олганда, давлат хизмати лавозимли моделининг самараси беқиёс. Ҳозиргача бир муассасанинг раҳбари алмашса, у ерда ишлайдиган ходимларнинг тенг ярми ишдан бўшарди. Ҳамкасблар янги ходимлар билан тил топишгунча, иш оқсаб турарди. Раҳбарнинг ўзгариши сабабли, кадрлар ҳам алмашиб, натижада иш унумдорлиги пасайиб кетарди. Энди Элбошининг топшириғига кўра, мансаб модели жорий этилгач, гуруҳлаб алмаштириш жараёнига ҳам берилди. Илгариги давр билан таққослаганда ўтган йили алмашиш тартиби билан тайинлаш кўрсаткичи 58 мартага озайгани бунинг далили.

Мансаб модели бўйича ўтган йили вилоятда 402 давлат хизматчиси юқори лавозимга тайинланиб, бу кўрсаткич 12 фоизга ўсган. Аттестациялаш доирасида вилоят бўйича 8700 давлат маъмурий хизматчисининг 6843 нафари  мажмуавий аттестациядан ўтса, улардан 1766 нафари аъло, 4482 нафари қониқарли баҳо олган.

Айтиш жоизки, минтақадаги давлат хизматчиларининг 15 фоизини ёшлар ташкил этади.