Гумбазнинг тарихий қиёфаси деярли сақлаб қолинди, фақат шамоллатиш қатламлари тартибга келтирилди.  Ҳозир гумбаз этагида  саккиз қиррали кесишма билан туташган  жойда гидроизоляция  ишлари ниҳоясига етмоқда. 

Гумбазни қайта тиклаш ишлари вилоят ҳокими Ў. Шўкеевнинг шахсий назоратида бўлиб,    ҚР Маданият ва спорт вазирлиги билан ҳамкорликда амалга оширилмоқда. 

“Ҳазрат Султон”  давлат тарихий-маданий қўриқхона музейи ҳудудидаги тарихий қадамжоларнинг  реконструкцияси, ўрта асрлардаги Култепа қалъаси, Хон ўрдаси ва масжиди  жойлашган  марказий йўл бўйида эса археологик қазилма ишлари авжида.

Бундан ташқари, Хожа Аҳмад  Яссавий мақбараси олдида саёҳатчилар  дам оладиган  боғ, яъни селфи-ҳудуд барпо этилади. Тарихий обиданинг “Тожли дарвоза”си атрофида қазилма ишлари юритилиб, топилган асори атиқалар саёҳатчиларнинг кўзини қувонтиришига умид бор.

Шунингдек, Б. Саттарханов  хиёбони ҳудудида этноовул барпо этилмоқда. 

Шуни таъкидлаш лозимки, Хожа Аҳмад Яссавий  мақбарасида бажарилган ишларнинг ҳаммаси ЮНЕСКО билан келишилган ҳолда амалга оширилмоқда. 

Мақбаранинг реконструкция ишларини ҚР Маданият ва спорт вазирлиги Маданият ва санъат ишлари департаментининг директори Кумис Сейитова ҳам келиб, кўздан кечириб кетди.