Туркистон вилоятида оммавий спортни ривожлантириш ва спортдан юксак кўрсаткичларга эришиш йўлида вилоят ҳокими Ў. Шўкеевнинг бевосита етакчилигида кенг қамровли  ишлар амалга оширилмоқда. Чунончи, давлат аҳамиятига эга ушбу йўналишни кучайтириш мақсадида спорт инфратузилмасини ривожлантиришга катта эътибор қаратилмоқда. Шу мақсадда вилоят ҳокими Туркистон шаҳрида  қад ростлаётган спорт иншоотларини  оралади. 

Туркистонда бутун жаҳонда машҳур бўлган  спорт тури –  футболни ривожлантириш мақсадида УЕФАнинг халқаро талабларига мос келадиган улкан стадион қурилмоқда. 2та спорт зали, жаҳон андазаларига мувофиқ  табиий футбол майдони, маъмурият биносига эга спорт мажмуаси бу йил фойдаланишга топширилади. Янги стадионда  вилоят терма жамоасининг машғулотлари ўтади, қолаверса, вилоят, республика ҳамда халқаро миқёсдаги мусобақалар ҳам уюштирилади.

Шунингдек, Туркистон вилояти спорти тараққиётига ҳисса  қўшадиган ҳовузи бор спорт мажмуасида ҳам қурилиш ишлари қизғин.  Қурилиши битай деб қолган ушбу замонавий иншоотда миллий жамоа аъзолари ва вилоятнинг ёш спортчилари машқ қилишади.  

Йилдан йилга янгиланиб бораётган Туркистонда ўнлаб спорт иншоотлари эл-юрт эҳтиёжига топширилади деб кутилмоқда.