Истиқлолнинг ҳар бир йили улуғ бунёдкорлик ишлари, мамлакатимизнинг ҳар томонлама юксалиш довонлари билан мустақил Ватанимиз тарихига зарҳал ҳарфлар билан битилмоқда. Кундан кунга чирой очиб бораётган Туркистон ҳам тарихий жозибасини сақлаган ҳолда янгиланиб, узоқни ўйлаб тузилган режа асосида изчил ривожланиб, замонавий шаҳарга айланмоқда. Муҳташам иншоотлар, турар жойлар, ижтимоий иншоотлар, йўл ва кўприклар, сўлим боғ ва хиёбонлар барпо этилмоқда.

Ўтган йилнинг биринчи ярмида вилоят ҳокими Ўмирзақ Шўкеев Туркистоннинг марказий кўчаларида яқин келажакда 10та боғ ва хиёбон барпо этилишини маълум қилган эди. Улуғ ниятлар амалга ошиб, Ал-Форобий кўчасида хиёбон қурилиши бошланди. Бу ерда 7200 кв.м яшил майдонга дарахт ва гуллар ўтқазилади.

Шунингдек, ўйингоҳлар, тунги чироқлар ўрнатилади. Айни пайтда ҳудудда ободонлаштириш билан бир қаторда кўкаламзорлаштириш ишлари ҳам олиб борилмоқда.

Хиёбон лойиҳасини ишлашда маҳаллий аҳоли ҳам иштирок этган. Фуқароларимиз ўзлари ҳордиқ минтақаларининг қулай бўлишига ҳисса қўшиб, “Халқ лойиҳаси”ни яратмоқда. 

Яқин келажакда Н. Тўреқулов, Сирғақ ботир, Тауке хан, С. Сейфулин кўчаларида ҳам учрашувлар ўтказилиб, лойиҳа асосидаги қурилишлар бошланади.