Эл тараққиётининг янги даврида жамиятга куч-қувват берган Элбоши Нурсултан Назарбаевнинг “Келажакка йўлланма: маънавий янгиланиш” дастурий мақоласи иқтисодий ривожланиш ҳамда конституциявий ислоҳотларни аниқлаш билан бирга миллий тафаккур сифатини оширишнинг асоси ва тамойилларини белгилаб берди.
Ҳозирги алғов-далғов замонда дунёнинг ҳар бурчагида ҳайратланарли воқеалар авж олиб, умуминсоний қадриятларнинг қадри йўқолиб, нисонпарварлик топталган паллада фуқароларимизнинг онггини глобаллашувнинг салбий таъсиридан сақлаш – муҳим вазифа. Шундай синов палласида Элбоши ёмонликлардан сақлайдиган эл ва миллат негизларини таклиф этиб, кўпчиликнинг қалбига йўл топди.
Хавф-хатарлар даврида таназзулдан чиқиш ҳақида фикр-мулоҳазаларни тинглаган халқ гавдасини тиклаб, доно сўзларни тинглаб, шунга оид ўй-фикрларини ОАВ ва ижтимоий тармоқларда билдирмоқда.
Талай қийинчиликларни енгиб, мустақилликнинг чорак асрини манглай тери тўкиб юриб ўтган элимизнинг онгги ўсди, сифати ортди, ҳеч кимга ҳақини бериб қўймайдиган қудратли мамлакатга айландик. “Ақлли кишига ақл ўргатма, йўлини ўргат” деган халқ нақлини эътиборга олган Элбоши туғилган халқига яна бир бор йўлланма берди, ўз йўлимизни – маънавий янгиланишнинг Қозоғистонча йўлини белгилаб берди.
Тарихдан сабоқ олмаса, ўтганга баҳо берган ҳолда ўзгармаса, онгнинг сифати ошмайди. Элбоши Мустақилликка эришган хосиятли кунлардан буён шуни таъкидлаб келади. Жумладан, “Довуллар билан олишиб, тақдир билан қоришиб”, деган биргина тезисидан номусни ҳам, шеърни ҳам, тебранишни ҳам, хулосани ҳам тушуниш мумкин.
Маънавий янгиланиш билан йилнинг апрель ойини соз қилган концепциявий асарида Элбоши ХХ асрдаги инқилобларга тўхталиб, оқибатларини хулосалаб бергани ҳам ҳар бир фуқарони ўйга солгани рост. Масалан, ижтимоий формацияларнинг сиртдан мажбурий киритилиши, турли жараёнларнинг ривожланишни тўхтатиши жамият ўй-фикрини таназзулга дучор қилди, халқ кўпайишини тўхтатди, миллий коди – тили, анъналари, маданиятидан бебаҳра қилаёзди. Ҳаёт кечириш тарзидан адаштирилди. Экологик офатларнинг оқибати туфайли асрлар оша макон тутган ота юртдан бездирилди. Буларнинг ҳаммаси миллат онгига юк бўлиб тушди.
Дунёни остин-устин этиб, барчасини бир лаҳзада ўзгартира оламиз дегувчилар ҳозир ҳам бор. Президент ўз мақоласида популизмнинг турларини ҳам айтиб берди. Ёт фикрларнинг салбий таъсиридан сақланиш учун миллатимизнинг сабр-тоқатли бўлиши кераклигини эслатди.
Балоғатга етган одам “ўзгани эмас, ўзингни тингла” деган сўзни аввал ота-онасидан, сўнг вояга ета бошлаганда устозларидан эшитган бўлар. Уни айтишнинг ҳам тури кўп. Эҳтиётлаб, авайлаб, огоҳлантириб ёки қўрқитиб-чўчитиб, пўписа қилиб, хўрлаб айтиш каби. Жаҳон даражасидаги ёзувчи А. Чеховнинг ёзишича, “ҳа” ёки “йўқ” деган сўзнинг ўзини 50 хил айтиш мумкин экан.
Жамиятга ўй солган мақолани ўқиган ҳар бир шахс “Элнинг эртаси учунгина эмас, ўз муддаонг ва авлодинг учун ўзингни тузат!” деган Элбошининг гапини ҳис қилади. Элбошимиз шу жонкуярлик сифатини халққа, ҳар бир фуқарога катта умид ортиб, масъулият билан етказиб турибди.
Умуман, Элбоши мақоласида тафаккурни янгилаш сиёсий ислоҳот ва иқтисодий замонавийлашувнинг кенг қамровли ва самарали иш экани таъкидланган. Бу ерда асос ҳам, маълумот ҳам, далил ҳам етарли. “Тилини топсанг, туя ҳам чўкади” деганларидек, айтилган фикрларнинг аҳамиятига “салга қийшая кетадиганларнинг ҳам”, майда-чуйдага ишонувчиларнинг ҳам кўзи етгандай.
Аслини олганда, тафаккурни янгилаш, миллатнинг сифатини кўтариш деган сўз. Унинг асосий ақидалари – ўзгани эмас, ўзингни тузатиш. Одобсизликдан, кўзбўямачиликдан, қуллик руҳиятидан қутулиш. Инсоний хосиятлар, имоний қадриятларни қадрлаш, каттани ҳурмат қилиш ва кичикка иззатда бўлиш. Миллатига, динига қарамай, жамиятдаги ватандошларимизнинг маданиятини, урф-одатларини ҳурмат қилиш.
Вужудга синган яхши одатлардан мосуво бўлиш аҳволи. “Яхшидан ўрган, ёмондан жиркан” деган нақлни бола кундан айтиб келамиз. Амалда қандаймиз? “Лоқайдлик деган нарса бор. У Оллоҳнинг, халқнинг, давлатнинг, ибратнинг, ақлнинг, ор-номуснинг душмани. Бири бор жойда иккинчиси бўлмайди”, дейди Абай. Ўз замонида бу сўзларнинг ота-боболаримиз учун айтилгани ҳақиқат.
Тарихий тажриба ва миллий анъанага юзаки қарамаслик тўғрисида. “Ўтовда тўсинни бошқур ушлайди, элни анъана” деган мақол бежиз айтилмаган. Жамиятдаги салбий ҳолатларга барчага бирдек қонундан бошқа нимани қарши қўйишга бўлади? Албатта, асрлар синовидан ўтган, вақт денгизида сараланган урф-одат, анъаналарни асраб, кўп масалани ҳал қилиш мумкин, бу – айни ҳақиқат.
Бешикдан қабргача урф-одатларини сақлаб, шуни авлодига етказган юртнинг адашмаслиги аниқ.
Бугун халқимизга ҳаводай зарур бўлган прагматизмни, миллий ўзига хосликни, рақобатбардош билимни, сергак онгни, зийрак ақлни янги замоннинг бунёдкор анъанасига менгзар эдик.
Масалан, мақолада тилга олинган экологик турмуш тарзини олайлик. “Бўш ётган ер ёв чақиради”, деган сўз бор. Ердан самарали фойдаланиш деганимиз уни ташлаб қўйиб, унумдорлигини йўқотиш дегани эмас, аксинча, унинг самарасини орттириб, унумли қўлланиш. Қўлдан келганча сув билан таъминлаш, кўкартириш, қурилиш қилганда ҳар бир қаричидан самарали фойдаланиш, жонкуярлик билан қараш, илмий ютуқларни қўллаш. Яхши кутиб, қадрига етган одамгина Она-Ернинг меҳрини қозониб, барака топади.
Ернинг қадрини тушириш, тоғ-тошларни қўпориш, дарё сувларини ифлослаш, чор-атрофни кул-ахлатга тўлдириш – одатий ҳолга айланиб қолгандек. Мухтасар қилиб айтганда, бу инсониятга, оламга чоҳ қазиш билан баробар эмасми?
Атроф-муҳитнинг тозалигини сақлашга келганда ота-боболаримизнинг васиятлари намуна бўлади. Чивин-пашша илакишмаслиги учун минган отини уй ёнига боғламаслиги, оловнинг кулини ерга кўмиб кетиши, тозаликка риоя қилиш саломатликнинг алифбоси эди.
Дунёдаги бор жонивор, мол-жонзотларнинг эгаси, илоҳи бор. “Сувнинг ҳам сўрови бор”. Шундай экан, Яратганнинг иродасидаги мувозанатни бузиш ва барбод қилиш, айланиб келганда, биринчи навбатда, одам боласининг ўзига хавфлидир. Миллий дастурда бу нарса ҳам аниқ баён этилган.
Элбоши кўрсатган яна бир аниқ фикр – “келажакда миллатнинг муваффақиятли бўлиши табиий бойлиги билан эмас, одамларининг рақобатбардошлик қобилияти билан аниқланиши” тўғрисидаги хулосадир.
“Бу олам мусобақаси,
Ақлли жоннинг муваффақияти”,
деб Шокарим оқин куйлаганидек, рақобат бугунги замоннинг ҳам нафаси, ҳам иши. Замона кўчининг олдинги қаторида илғор технологияларни ўрганиш, ёшларнинг бунёдкорлик имконияти.
Чинакам илм, билим инсонларни эзгуликка ўргатади. Эзгулик – ҳаётнинг сарчашмаси, миллий онгнинг такомиллашувидир.
Тарих, сиёсатшунослик, ижтимоийшунослик, фалсафа, руҳият ва бошқа фанлар бўйича замонавий билимга тўла имконият яратиш мақсадида таълим муассасаларида “Янги гуманитар таълим. Қозоқ тилидаги 100 янги дарслик” лойиҳаси амалга ошириладиган бўлди.
Элбоши бунинг мақсадини ҳам тушунтириб берди. “Энг аввало, юз минглаб талабага янги сифат даражасида билим бера бошлаймиз. Бу – таълим соҳасида дунёвий рақобатга мумкин қадар мослашган мутахассисларни тайёрлаш деган сўз. Бунга қўшимча равишда шаффофлик, прагматизм ва рақобатбардошлик каби замонавийлашувнинг асосий ақидаларини жамиятга сингдирадиган асосий кучга айланади”.
Шу ўринда чет элда “Болашақ” дастури бўйича билим олган мутахассис ва малакали таржимонлар куч бириктириб турса, нур устига нур бўларди.
Мавриди келганда айтайлик, элимизда илмий ва амалий таржима иши соҳасида мажмуавий муносабат зарур. Мустақиллик йиллари олий ўқув юртларини битирган таржимон мутахассисларнинг сифати қай даражада? Умуман, бизда қанча касбий таржимон бор? Қозоқ мумтоз асарларини қанча элнинг тилига таржима қила олдик? Таржиманинг қалам ҳақи ва рағбатлантирилиши арзийдиган даражадами? Бу саволларга жавоб излайдиган вақт аллақачон етди.
Давлат раҳбари лотин алифбосига босқичма-босқич ўтишни, уни амалга оширишнинг алгоритмини аниқ баён этган. Бу бошқа мамлакатларнинг тажрибасидан сабоқ олишга имкон беради. Индаллосини айтганда, бу чора элимизда 1929-1940 йилларда расмий қўлланишда бўлган лотин алифбосига қайтишдир.
Лотин алифбоси ҳозирги технология алифбоси. Ҳозирги кунда бу ҳарфлар бугунги куннинг қуроли – смартфонлар, гаджетлар орқали каттага ҳам, кичикка ҳам яхши таниш.
Н. Назарбаевнинг ватанпарварлик йўналишидаги “Туғилган юрт” дастури ҳақидаги таклифи “Мангу Эл” муродининг ажралмас бир қисми деб қараймиз. Бу дастур туғилган юртга ёрдам қўлини чўзган, сахий шахсларни рағбатлантириши керак. Ўз вақтида билим излаб ёки бошқа сабаблар билан шаҳарга кетган ёки чет элга чиққан юртдошларини меҳрли овул соғиниб кутади. Туғилган юрт ҳар кимга ҳам иссиқ.
Бу ўринда масала фақат моддий томонда, десак, адашган бўламиз. Олимнинг дарси, мутахассис маслаҳати, тажриба йўли овул ва шаҳар орасини яқинлаштиради. Туғилган юртнинг қадрини кўтаради. Бунинг ҳам нариги тарафида миллий код – анъана таълими бор.
Овулни айтганда, кўзни ёшга тўлдирмай, аниқ иш билан шуғулланиш, қалдирғочнинг қаноти билан, сув сепгандай кўмаклашиш – фуқаровий бурч.
Хосиятли ерлар ва муқаддас маконларни сақлаш ва туризм инфратузилмасини ривожлантиришга имкон берадиган “Қозоғистон муқаддас қадамжоларининг географияси” лойиҳасининг шафоати мўл. Хулосалаб айтганда, бу лойиҳа миллий тотувликка, эл бирлигини мустаҳкамлашга хизмат қилади.
Биринчидан, тарихий, муқаддас жойлар билан танишув Ватаннинг қадрини оширади. Шу ўринда зиёратчиларга қулай шароит яратиш, йўл-транспорт йўналишларини такомиллаштириш – бозор шароитида қайтарими мўл ишдир.
Иккинчидан, шу жойдаги тадбирлар мажмуаси элимизни, халқимизни бегона мафкура унсурларидан фориғ қилади. Мамлакат раҳбарининг сўзи билан айтганда, “рамзий қалқонимиз ва миллий ғуруримизнинг сарчашмаси”дир.
Дунё харитасида ҳеч кимга ўхшамайдиган алоҳида миллий қиёфамизни кўрсатадиган “Жаҳондаги замонавий Қозоғистон маданияти” лойиҳасини амалга ошириш вазифаси юкланди. Бу йил қандай ютуқларимизни кўрсатишимиз аниқ белгиланди.
Бу рўйхатга Элбоши пойдеворини яратган бирлик ва тотувликнинг қозоғистонча намунасини кўрсатган санъат асарлари жаҳон тамаддунига, тотувлигига қўшилган ҳисса сифатида киришига ишонамиз.
ҚХА шу йўналишдаги асарларни саралашга, муаллифларини замона фахри сифатида ташвиқот этишга ҳисса қўшади. Мухтасар қилиб айтганда, замонавийлашувни амалга оширадиган “Мангу Эл” ғояси атрофида жипслашган кўп сонли этнос вакиллари экани рост. “Қозоғистондаги 100 янги ном”ни аниқлаш ва улуғлаш барча ватандошларимизнинг асл бурчи.
Маънавий замонавийлашув асосларини баён этган мақоласида Президент – Қозоғистон халқи Ассамблеясининг Раиси Н. А. Назарбаев эл олдига, шунингдек, Ассамблея олдига залворли ва салмоқли вазифалар қўйди.
Биз барча фуқароларимизни шуни масъулият билан амалга оширишга чақирамиз. Бирлик қуввати – элликнинг қуввати, элнинг қуввати. “Юксалишнинг сири – бирликда, таназзулнинг сири – бошбошдоқликда”. Элбошининг Мустақиллик майдонида айтган бу сўзларини унутмайлик.
Ассамблеянинг минглаган аъзолари жамиятимизда бунёдкорлик руҳининг қарор топишига ҳисса қўшиб келади. Турли даражадаги ассамблеяларда, этномаданият бирлашмаларида, ижтимоий тотувлик ва оналар кенгашларида, медиация марказлари ҳамда ҚХА билан мақсади бир ташкилотларда ишлайдиган ватанпарвар фуқаролар “Келажакка йўлланма: маънавий янгиланиш” мақоласини теран тушуниб, уни инсоний фазилатлар, касбий даражада қабуллаганига ишонамиз.
Ассамблея ва этномаданият бирлашмалари аъзолари Давлат раҳбари дастурий мақоласининг хулосавий “Бирлик бор ерда барака бор”, деган иборасидан илҳомланиб, бугунги кун вазифалари ҳамда Янги давр талабларини юзага чиқаришга киришиши сўзсиз.