Вилоят маслаҳати депутати, «Жолаушы» МЧБ асосчиси Р. Танирбергенов ҳомийлик қилиб, ЭКСПОга 500 дона билет харид қилган эди. Хусусан, «Жолаушы» корхонасининг дастлабки 100 ходими Астана шаҳрига ЭКСПО кўргазмасига отланди. 

Шаҳар ички ишлар бошқармаси ходимларига ҳам Астанадаги ЭКСПО кўргазмасига 20 билет берилди. Шаҳар ҳокимининг ўринбосари Ғ. Рисбеков вилоят маслаҳати депутати Р. Танирбергенов ҳимматига шаҳар аҳолиси номидан миннатдорчилик билдирди. Шаҳар ички ишлар бошқармаси бошлиғи Е. Қидирбаев эса депутат Р. Танирбергенов кўксига «Қозоғистон полициясига 25 йил» юбилей медалини тақди. Таъкидлаш жоиз, 12 июль куни бундай тантана яна такрорланади ва тажрибали устоз 

А. Ғаниев раҳбарлик қилаётган Туркистон индустриал техника коллежининг илғор талабалари билан устозлари ЭКСПО сафарига отланишади. 

– Астанага отланган ҳамкасбларимизнинг файзли ҳордиқ чиқаришлари учун барча шароит яратилган, ҳатто ётоқхона масаласи ҳам ижобий ҳал қилинди. Мақсадимиз – Қозоғистонни жаҳонга танитаётган ЭКСПОга отланган ҳамшаҳарларимизга имкон даражасида кўмак кўрсатиш, – деди депутат Р. Танирбергенов. 

Суратларда: тантанали кузатиш маросимида; 100 нафар туркистонлик ушбу автобусларда Астанага отланди.