Таълим ва фан: янги ўқув йилининг ўзгачаликлари мавзуидаги август анжумани онлайн шаклда ўтди. Унга раислик қилган Туркистон шаҳри ҳокими Рашид Абатули ўз сўзини пандемия бутун дунёни қамраб олган қийин даврда келажагимиз давомчилари бўлган болаларимизга қўллов кўрсата билган, шунингдек, фарзандларимиз билимини чархлашда бор куч-ғайратини аямаган устозларга миннатдорчилик билдиришдан бошлади.

– Жорий йил барчамизга осон бўлгани йўқ. Тўсатдан келган пандемия туфайли ўқув йилининг ярмини онлайн шаклда ўтказишга тўғри келди. Шунга қарамай, Ягона миллий тест натижаларига кўра, ўқувчиларимизнинг билим даражаси пасайиб кетмаганидан қувондим. Бу натижа барча ўқитувчиларимизнинг сидқидил меҳнатлари маҳсулидир. Келгусида ҳам ишларимизни юксак даражада олиб бориш борасида улуғвор режалар тузиб, шунга ҳаракат қилишимиз лозим. Менинг фикримча, ҳар қандай сиёсатчи ўзининг хизмати даврида таълим соҳасига улкан жўшқинлик олиб келишга интилиши керак, – деди шаҳар раҳбари.

Бу борада, таълим соҳасида дунё бўйича энг илғорлар қаторида деб танилган Финляндия мамлакатида 100га яқин маҳаллий устоз касбий малакаларини ошириш имконига эга бўлиш борасида музокаралар олиб борилганини таъкидлади.