Бугун Парламент палаталарининг қўшма мажлисида Қозоғистон Республикаси Президенти Қасим-Жўмарт Тўқаев Қозоғистон халқига навбатдаги Мактубини йўллади. Президент дастлаб элимиз бошига тушган пандемия билан кураш давом этаётгани, иллатга қарши мажмуавий дастурлар тайёрланаётганини таъкидлади.

Сиёсий ҳужжатда кўплаб соҳалар билан бирга тадбиркорликка ҳам алоҳида тўхталган. «Биз бугун ижтимоий-иқтисодий барқарорликни сақлаб қолиш йўлида иш олиб боришимиз керак. Бу борада ишлаб чиқариш соҳаларининг фаровонлигини ошириш эътибордан четда қолмаслиги керак».

Қозоғистон бугунги кунда бошқа ривожланган давлатлар билан рақобатбардош мамлакат. Бой ҳамда қудратли бўлиш учун корхоналар ва завод-фабрикаларнинг фаолиятини илдамлаштиришни Ҳукуматга топширди. 

Мактубни қунт билан тинглар эканман, ёш тадбиркорларга қўллов кўрсатилишига амин бўлдим. Тадбиркорликка тегишли барча масалани эътиборга олган Президент солиқ ва насиянинг имтиёзли томонларини ҳам қайд этди.

Умуман, Мактуб элимизнинг ижтимоий-иқтисодий тараққиётига бағишланган. Унда халқ фаровонлигини ошириш, ижтимоий соҳани қўллаш масалаларига катта эътибор қаратилган.