Жанубда жорий йилда 57та аҳоли манзили “зан­гори олов” билан таъ­­мин­­­­ланади. Натижада, вило­ятда газлаштирилган аҳоли манзиллари сонининг 357тага етиши кутилмоқда. Шу мақсадда вилоят бюджетидан 14,1 млрд. тенге сарфланади. Қизилжар газ тақсимлаш станциясининг фаолияти билан танишган вилоят ҳокими Жансейит Туймебаев шуни маълум қилди.

– Сўнгги йилларда вилоятда 7та автоматлаштирилган газ тақсимлаш станцияларининг қурилиши олиб борилмоқда. Қурилишнинг умумий қиймати 22,2 млрд. тенгени ташкил этади. Улардан учтаси Кентов, Ўрдабоши, Арис туманларидаги газ тақсим­лаш бекатлари тез кунларда фойдаланишга топширилади. Қишлоқлардаги ички қурилиш ишлари тугатилган, ишга тушишга тайёр турган станция Ўрдабоши, Ўтрор туманларини тўлиқ газ билан таъминлашга қаратилади. Ушбу бекатларни ишга қўшсак, вилоятдаги шимолий туманларни газ билан таъминлаш имконияти пайдо бўлади, –  деди Жансейит Қансейитули. 

Ўтган йили вилоятда 25та аҳоли манзилида газ ўтказиш ишлари олиб борилган, ушбу мақсадга 13,7 млрд. тенге йўналтирилган эди. Жорий йилда эса 70та аҳоли манзилига газ қувурлари тортилиб, қурилиш ишлари олиб борилади. Умуман вилоятда 844та аҳоли манзилининг 300таси табиий газ билан таъминланган. Яъни, минтақада 1755307 на­фар одам “зангори олов”дан фойдаланмоқда.

Вилоятдаги аҳоли манзил­ларини 2017-2020 йиллар ора­лиғида газлаштиришга доир мажмуавий тадбирлар режаси тайёр­ланмоқда. Унга кўра, 2020 йилда қўшимча 383 аҳо­ли манзилини газлаштириш ре­жаланган. 2021 йилга бориб табиий газ билан таъминлнаган аҳоли манзиллари сони 683тага ёки 2 млн. 720 минг фуқарога етади.    

Дарвоқе, 2013 йили вилоя­тимизда Элбошининг бевосита қўллови билан амалга оширилган “Бейнеу-Бўзай-Шимкент” ма­гистрал газ қувури бўйида 7та ав­­­­­­­­­­­­­­­­­­­­­­­­­­­томатлаштирилган газ тақ­сим­­­­лаш станцияси қурилиши бош­­­­­ланиб, бугунги кунда 4таси фой­даланишга берилган бўлса, қолган 3тасини жорий йилда якунлаш режалаштирилган.