Шимкент шаҳар ҳокимлигида  Давлат хизматчилари кунига  бағишлаб ўтказилган  йиғилишда  ёш давлат хизматчилари  касбга содиқлик  тўғрисида қасамёд қилишди. Тадбирда  ҳокимликнинг 300дан зиёд ходими иштирок этди. Шаҳар ҳокими Ғабидулла Абдирахимов ҳамкасбларини байрам билан табриклади. 

–  Бугунги кунда давлат органлари ва дав­лат хизматчилари фаолиятида ошкоралик тамо­­йил­ларини таъминлаш, қонунийликка риоя этиш, давлат  хизматида  маъмурий-буйруқбозлик, кор­рупция ва бошқа салбий  ҳолатларга барҳам бериш  – муҳим вазифа, – деди у. – Давлат органларида хизматчиларнинг қобилиятини, муомаласини яхши­лаш, бошқарув иши самара­дорлигини ошириш ҳам доимий  эътиборни талаб қилади. Биз­нинг мақсадимиз – ҳар кунги меҳнатимиз билан фуқароларнинг дав­латга бўлган ишончини мустаҳкамлаш. Халқнинг давлатга ишончи эса  давлат хизматчисига ишончдан бошланади. Демак, биз доим қасамёдга содиқ бўли­шимиз керак. 

Ҳозир шаҳар ҳокимлигида 500 нафар ходим фао­лият юритмоқда. Жорий йилда «Б» корпусидаги  369 нафар давлат хизматчиcи аттестациядан муваф­фақиятли ўтди, 15 нафарининг лавозимини юқори­латиш  тавсия этилди. 

Шу куни ўнлаб давлат хизматчиларига Фахрий ёрлиқлар ва  ”Ташаккурнома”лар топширилди. Тадбир давлат хизматчилари ижросидаги концерт билан якунланди.