Nur Otan партиясининг праймериз ўтказиш жадвалига мувофиқ, Туркистон вилоятининг туман ва шаҳарларда эълон қилинган баҳслар бошланди. Туркистон шаҳридаги праймериз баҳси Хожа Аҳмад Яссавий мақбараси қошидаги амфитеатрда ўтди.

Очиқ осмон остида уюштирилган  мунозарада 6 нафар номзод иштирок этиб, воизлик маҳорати ва касбий малакасини намойиш этишди. Ўз даврида бийлар кенгаши ўтказилган Туркистон тўрида мунозаралар ҳам юқори даражада ўтказилди. Ушбу сиёсий беллашувга келган Nur Otan партияси вилоят филиали раисининг ўринбосари Бейсен Тажибаев табриклаб, иштирокчиларга муваффақият тилади.

– Бир вақтлар очиқ осмон остидаги амфитеатрлар куч синаш беллашуви ўтадиган жойлар бўлса, ҳозир қадим шаҳарда бу ўрин фикр-мунозаралар майдонига айланди.

– Республика бўйича праймеризга қатнашаётганларнинг 1144 нафари Туркистон вилоятидан.  Улар орасидан 106 номзод омадини синашга бел боғлабди. Бундай баҳслардан тортинмаслик керак. Ўз режаларингиз, дастурларингиз билан ўртоқлашиб, жамоатга таништирган маъқул. Сизларни очиқ мусобақада мунозара талаби ва қоидасига риоя қилиб, юксак савияда фикр алмашишингизга ишонаман. Барчангизга муваффақият тилайман, – деди Бейсен Даулетули.

Умуман 30 сентябргача 200дан зиёд баҳс уюштирилиб, унда 1100дан ортиқ номзодлар иштирок этиши керак. Бугун 16та туман, шаҳарда баҳс-мунозалар ўтказилмоқда.