Юртимиздаги тиббий-санитария бирламчи ёрдами ташкилоти саъй-ҳаракатлари билан аҳолининг ўзи истиқомат қиладиган минтақага қарашли шифохоналардан бирини танлаш эркинлиги мавсуми бошланди.

Бунинг учун фуқаролар 15 сентябрдан  15 ноябргача ўзлари танлаган шифохонада рўйхатдан ўтишлари керак. Шифокор рўйхатга олинган беморлар саломатлигини вақтида назорат қила олиши учун фуқаролар яшаш жойларига яқин жойлашган шифохоналарни танлагани маъқул.

– Тиббий муассасада рўйхатга олинган шахслар 2021 йилнинг 1 январидан бошлаб тиббий ёрдам ола бошлайди. Бунинг учун юқоридаги тиббий жамғарма билан суғурта шартномаси тузилган бўлиши керак. Мавсум тугагач, ташкилотларга бириктирилган фуқаролар сонига асосланиб маблағ ажратилади, – деди “Ижтимоий тиббий суғурта жамғармаси”нинг вилоят филиали раҳбари Лаура Сапарбекова. 

Бириктириш жараёни бир неча усул билан амалга оширилади. Асосан, электрон ҳукуматнинг www.e.gov.kz веб-портали орқали бириктириш мумкин.

 Ёки шифохонанинг ўзида рўйхатга олинса ҳам бўлади. Бу, кўпроқ нафақадорлар, ногиронлар, уларнинг васийлари, патронат тарбиячилар, колонияларда жазосини ўтаётган маҳбуслар, талаба ёшлар, ҳарбий хизматчилар, чет элларда туғилган болалар, ишончнома асосида  рўйхатга олиш ишларини бажарадиган вакил шахсларга тааллуқли. 

– Бугунги кунда вилоят бўйича порталда 1962881 одамнинг рўйхати бор. Улар жорий йилнинг 31 декабрига қадар ўзлари бириктирилган шифохоналарда даволаниш ҳуқуқига эга. Келаси йилдан бошлаб тиббий хизматларсиз қолиб кетмаслик учун электрон  турда ёки шифохонанинг ўзида рўйхатдан ўтишлари зарур, – деди вилоят жамоат соғлигини сақлаш бошқармаси вакили Б. Ақбердиева.