Қозоғистонлик чарм қўлқоп устаси, ҳамюртимиз Бобиржон Мўминов (12-0, 8КО) россиялик боксчи Вагинак Тамразянга (17-8,5 КО) қарши Қозон шаҳрида ўтган IBF йўналишидаги ўрта енгил вазннинг Inter-Continental чемпионлик баҳсида ғалаба қозонди.

Татаристон пойтахти Қозон шаҳрида уюштирилган бокс кечасида 10та жанг уюштирилиб, унинг асосий беллашувида айнан шу икки боксчи рингга кўтарилди.

Касбий боксда яхши натижаларга эришиб, халқаро спорт устаси бўлган Бобиржон шундан кейингина касбий боксга ўтган. Бугунги кунда

Америка Қўшма Штатларида истиқомат қилаётган Бобиржон аксарият жангларини океан ортида ўтказади.

27 сентябрь куни ўтказилган жанг Россиядаги дастлабки беллашувидир.

Касбий боксда мағлубият нималигини билмай келаётган Бобиржон Мўминов Тамразянга қарши кечган беллашувнинг биринчи раундида

нокдаунга учради. Лекин иродаси кучли Б. Мўминов матонат кўрсатиб, 10 раунд давом этган жангда ҳакамларнинг қарорига кўра, ғалаба

қозонди.

Ғалабани нишонлаган Бобиржон Мўминов шундай деди:

– Мени қўллаб-қувватлаганлар ва ишонч билдирганларга миннатдорчилик билдираман. Рақибим жуда кучли, тажрибали боксчи. Бизни жаҳон чемпионлик камари йўлида катта жанглар кутмоқда. Унга сизларнинг қўллаб-қувватлашинглар натижасида эришамиз. Ҳар қандай вазиятда ҳам менга мадад бўлиб келаётган жамоамга раҳмат. Мен бундан миннатдорман ва уларни қадрлайман. Биз биргаликда катта муваффақиятларга эришамиз!