Шу кунларда айрим ҳокимларнинг давлат бюджети маблағидан ноқонуний фойдаланишгани маълум бўлди.  

Ушбу масала юзасидан Туркистон вилояти Одоб-ахлоқ бўйича кенгаши қатор мансабдор шахсларнинг интизомий ишларини кўриб чиқди.

Хусусан, хизмат кўрсатувчи, яъни етказиб берувчи компаниялар томонидан мажбуриятлар тўла ҳажмда бажарилмаганига қарамай, Атамекен, Жана-су, Жили су, Қазибек бий қишлоқ округлари ва Жетисай тумани Асиқата қишлоғи ҳокимлари асоссиз равишда бюджет маблағини (шартнома тузилгандан кейин 2-4 иш куни ичида) уларнинг шахсий ҳисоб рақамларига ўтказиб, тўлов ҳужжатларини ҳам имзолашган.

  Натижада, давлат хизматини обрўсизлантирадиган ҳуқуқбузарликларга йўл қўйиб, давлат харидлари тўғрисидаги қонун талабларини қўпол равишда бузишди. Уларга “лавозимига лойиқ эмаслиги тўғрисида огоҳлантириш” шаклида интизомий жазо тайинлаш тавсия этилди.

Шунингдек, қонун ҳужжатларида белгиланган муддатларда судга мурожаат қилмаган Жетисай тумани қишлоқ округи ҳокими Ш. Дилдабековнинг “ишни ўз вақтида бажармаган компанияга нисбатан  давлат харидларининг инсофсиз иштирокчиси деб тан олиш тўғрисидаги жавобгарлиги” ҳам кўриб чиқилди. Ушбу иш бўйича Интизом кенгаши унга “жиддий танбеҳ” жазосини қўллашни тавсия қилди.

 Йиғилишда Одоб-ахлоқ бўйича кенгаш раиси А. Шилманов лавозимдор шахслар келгусида бундай камчиликларга ва қонунбузарликларга йўл қўймаслиги зурарлиги, шунингдек, қонуний ҳужжатлар талабларига мувофиқ бюджет маблағларидан фойдаланиш ва сарфланиши кераклигига эътибор қаратди.

Шуни алоҳида таъкидлаш жоизки, ҳозирги вақтда прокурорнинг  тегишли назоратидан сўнг пудратчилар  ишларни тўлиқ ҳажмда бажаришди, камчиликларни бартараф этишди.