Эчки сути кўплаб тиббий хусуси­ят­ларга эга. Айниқса, ошқозон ка­сал­­­­ликлари, камқонлик, кўзнинг за­иф­лашуви, диатезда фойдалидир. 

У эмизикли чақалоқлар учун яхши озуқа. Швейцариянинг тоғ курортларида қадимдан сил, камқонлик ва рахит касаллигини даволашда эчки сутидан фойдаланишган. 

Улар сигир сутига эчки сутини қўшиб, пишлоқ тайёрлашади. 

Эчки сути кўпгина: А, В (1, 2, 3, 6, 9, 12) гуруҳи, С, Д, Е, Н, РР дармондориларига бой. Уни доимий истеъмол қиладиганлар дармондориларнинг мажмуасини етарли миқдорда олади ва бу бутун организм ҳолатига самарали таъсир этиб, авитаминоздан халос этади. 

Сигир сути билан таққослаганда, эчки сути таркибида В12 дармондориси таркибига кирувчи кобалт моддаси 6 марта кўп. Мазкур дармондори қон айланиши учун жавоб бериб, бу жара­ёнларни назорат қилади.

Эчки сутида инсон ҳаёти учун за­рур фосфор, калий, магний, кальций, йод, молибден, натрий, маргимуш, мис, фтор каби микроэлементлар мав­жуд. Шунингдек, унинг таркибида холин, лейитин, альбумин, глобулин ва биотин мавжуд. Бу биологик фаол моддалар юзнинг рангини яхшилайди, тери қаришини секинлатади ва уни таранглаштиради. 

Эчки сутида кўп миқдорда калий бўлиб, у юрак-қон томири тизимининг фаолиятини яхшилайди. Инфаркт миокардини бошидан ўтказган бемор­ларга шифокорлар кунига 1-2 стакан янги соғилган эчки сутини ичишни тав­сия этадилар.