Туркистонлик ёшлар пахта териш, қўй жунини қирқиш, олма ва картошка териш бўйича беллашдилар. Ёшлар икки кун давомида қишлоқ ҳаёти билан танишдилар. Минтақанинг фаол кўнгиллилари “Қишлоқдаги бир куним” реалити-шоуси доирасида “Чорва ва экин – мўл-кўл ҳосил” танловида беллашдилар.

Вилоят Ёшлар имконият маркази томонидан ташкил этилган танловнинг асосий мақсади ёшлар орасида қишлоқ хўжалигини тарғиб қилиш

Вилоятнинг барча туман ва шаҳарларидан келган иштирокчилар қуръа ташлаш йўли билан тўрт гуруҳга бўлинишди. Мусобақа Қазиғурт тумани боғида олма териш билан бошланиб, қўй жуни қирқимига уланди. Сўнг Сауран қишлоқ округида картошка қазишди ва олма теришди. Пахта терими пайтида иштирокчиларни баҳолаган ҳакамлар йиғилган “оқ олтиннинг” тозалиги ва вазнига ҳам эътибор беришди.

Беллашувда “Қаратау” жамоаси учинчи, “Алатау” иккинчи ўринни эгаллади. Биринчи ўринни “Сирдарё” жамоаси қўлга киритса, бош соврин “Турон” жамоасига насиб қилди. Ғолибларга ташаккурнома ва қимматбаҳо совғалар топширилди.