Жорий йил аввалида вилоят ҳокими Ўмирзақ Шўкеев туман раҳбарига туя бошини кўпайтириб, унинг сутини вилоят марказидаги қайта ишловчи корхонага ўтказиш вазифасини топширган эди.

Шу мақсадда туман чорвадорлари 2000 бош туя харид қилишди. Йирик-майда туячилик хўжаликларини бирлаштириб, зотдор чорва сонини кўпайтириш, сут қабул қилиш бекатларини ташкил этиш йўлга қўйилди. Тегишли бўлимлар ва муассасалар вакиллари қишлоқ округларида чорвадорлар билан учрашиб, семинарлар ўтказишди, тушунтириш ишлари юритилди.

Туманга хизмат сафари чоғида минтақа раҳбари туячилик билан шуғулланаётган хўжаликлар фаолияти билан танишди. 

 “Бағдат” деҳқон хўжалиги қошида туя сутини қабул қилиш бекатлари ишга туширилиб, бошқа хўжаликлар билан ҳамкорликдаҳафтасига 2 тонна туя сутини қайта ишлаб, ўтказмоқда. Бу хўжалик баҳор ойларида «Golden Саmel Group LTD» МЧБга 256 тонна туя сути ўтказганди. 

Шунингдек, вилоят раҳбари «Қанжарбек» деҳқон хўжалиги фаолияти билан танишди.

Бу хўжаликда 110 бош қорамол, 1150 бош қўй ва юздан зиёд йилқи мавжуд. 

Туманда жами 40 минг бош қорамол ва 341 минг бош қўй, 14 минг бош туя, 25 мингга яқин парранда бор. Ўтган 8 ойда туманда 7 546,1 тонна гўшт, 11 321,6 тонна сут ва 2 129,7 минг дона тухум етиштирилди.