Аввал хабар қилганимиздек, Туркистон вилоятида карантин чоралари муддатини узайтириш тўғрисидаги қарорга ўзгаришлар киритилди. 

Вилоят бош санитар шифокори Нурбек Нишанов имзолаган ҳужжатга кўра, 26 октябрдан бошлаб, оммавий тадбирлар ўказиш тақиқланади (байрам, оммавий спорт, оммавий-маданий, кўнгилочар тадбирлар, анжуман, семинар, кўргазмалар) Қозоғистон чемпионатлари, томошабинсиз ўтказиладиган республика мусобақалари бундан мустасно.

Янги қарорга кўра, санитария-дезинфекция тартибини кучайтириб, ижтимоий масофани ва ниқоб кийиш талабига риоя қилган ҳолда, кинотеатрларни очишга рухсат берилди.

65 ёшдан ошган кишиларнинг кўчага заруратсиз чиқиши тақиқланади. 

Озиқ-овқат ва ноозиқ-овқат ёпиқ бозорлар иш тартиби соат 9.00дан 19.00.гача карантин талабларига риоя қилган ҳолда рухсат берилади, шанба кунлари соат 9.00дан 17.00.гача, харидорлар 30 фоиздан ошмаслиги керак. Кўнгилочар-савдо марказлари, савдо марказлари соат 9.00дан 22.00.гача шанба куни 9.00дан 17.00.гача ишлашга рухсат берилади. Якшанба ва байрам кунлари фаолияти тўхтатилади.

Шунингдек, бош санитар шифокор ҳар бир фуқарони шахсий гигиенага риоя қилган ҳолда кўчада, жамоат жойларида, одамлар кўп тўпланадиган ўринларда ниқоб тартиби ва ижтимоий масофани сақлашга чақиради.