Элимиз пойтахти – Астана шаҳри барча қозоғистонликларнинг ифтихори, келажак авлодга қолдирилаётган улкан хазина. Қуйида Элўрда ҳақидаги баъзи маълумотларни тақдим этмоқдамиз:

1997 йил 10 декабрда пойтахтни янги шаҳарга кўчириш ҳақида қарор қабул қилинди. 1998 йил 10 июнда эса халқаро жамоатчилик учун янги пойтахт тақдимоти ўтди.

***

1998 йил 6 май куни Ақмўла шаҳрига Астана номи берилди.

***

1999 йил ЮНЕСКО халқаро ташкилоти томонидан Астанага “Тинчлик шаҳри” унвони берилди.

***

Астана шаҳрида Евроосиё Иқтисодий Иттифоқининг қатор бошқарув органлари жойлашган. Бугунги кунда шаҳарнинг халқаро иқтисодий ва сиёсий муносабатларда ўз ўрни бор. 

***

2016 йил 4 июлда Астана шаҳри аҳолиси бир миллион кишига етди. 

***

Астана шаҳрида жаҳон меъморчилик санъати намуналари бўлган Байтерек, “Қазақ Ели” монументи, Қозоғистон Республикаси Президенти қароргоҳи бўлган Ақ Ўрда биноси ва бошқалар кўплаб сайёҳларнинг эътиборини жалб қилиб келмоқда.