Туркистон шаҳрида “Туркистон: қадим ва келажак кўприги” номли  вилоят янги санъат фестивалининг шаҳар босқичи бошланди. Туман, шаҳар саралаш босқичлари ёш санъаткорларнинг маҳоратини ошириб, улкан саҳнага йўл очади. “Ақжайиқ” мусиқа мактабида ўтган тадбирда истеъдодли ёшлар ўз санъатини намойиш этишди.

Фестивалда устозлар ва мактаб ўқувчиларининг  халқ чолғу асбоблари оркестри Қурманғазининг “Адай” куйини, “Мирас” ўқувчилар вокал гуруҳи “Ұлт кәсемі” қўшиғини ижро этишди. Туркистон вилояти ҳокими Ўмирзақ Шўкеев санъат беллашуви иштирокчиларига муваффақият тилади.

–Элдаги карантин чекловлари  туфайли ўқувчилар санъатини тўлақонли намойиш этиш имкони йўқ эди. Мана энди, Туркистон шаҳрида бошланган санъат фестивали туман ва шаҳарларда давом этади. Қозоқ эстрадаси юлдузларининг ярми бизнинг Туркистон вилоятидан чиққан. Мана шундай муқаддас масканда дунёга келган ёш иқтидорларга муваффақият тилайман. Санъатингиз чархланиб, буюк довонларни забт этишда омад ёр бўлсин, – деди Ўмирзақ Естайули.

2020 йили пандемия шароитига қарамай, Туркистон вилоятида онлайн тизимда ўтказилган республика танловлари ва фестивалларида туманлардан 5 мингдан зиёд ўқувчи иштирок этиб, вилоят танловига 1045 ўқувчи саралаб олинди. Қоидага кўра, 133 нафар ўқувчи республика танловида иштирок этиб, 2-,3-ўринга сазовор бўлишди. Келгусида совринли ўринни эгаллаган иқтидорларни республика ҳамда халқаро даражага кўтариш учун барча шароитлар яратилади.