Шаҳримиздаги “Муса” тўхонасида ҚМДБ ЖҚВ бўйича вакиллиги ташаббуси билан “ХХI асрнинг зукко имоми” форуми ўтди. Тадбирга Бош муфти ўринбосарлари, уламолар кенгаши аъзолари, вилоятимизнинг шаҳар, қишлоқ, туман, овул масжидларининг 800 нафардан зиёд имомлари иштирок этди. 

Анжуманни ҚМДБнинг ЖҚВ бўйича вакил имоми А. Керимбек очиб, тадбирнинг мақсад ва вазифалари билан таништирди. 

Астана шаҳрининг вакил имоми Науризбай Ўтпенов Бош муфти Е. Малғажиулининг мазкур анжуманга бағишланган табрик сўзини ўқиб эшиттирди.

– Астана шаҳрида ўтган республика имомлар анжуманида қабулланган “ХХI асрнинг зукко имоми” хулосаси ҳамда “Ҳанафий мазҳаби ва Мотурудий эътиқод мактаби – Қозоғистондаги Исломнинг анъанавий йўли” нуытаи назарини тарғиб қилиш долзарб масалалардан бири. VIII асрдан буён Ислом дини йўлида ота-боболаримиз қанчадан-қанча азиятлар чекишди. Мусулмонларга ислом динини танитиш учун тер тўкдилар. Исломнинг асосий ақидаси “Оллоҳдан бошқа илоҳ йўқ ва Муҳаммад унинг расули”. 

Яқинда Элбоши имомларни қабуллаган вақтида ҳам Ислом динига алоҳида тўхталиб ўтди. “Қозоғистон-2050” дастурида ҳам ушбу мавзулар илгари сурилган. Мусттақиллигимиз шарофати билан дунёга машҳур, мақтовга лойиқ шахслар, олим ва дин арбоблари етишиб чиқдилар. 

Тадбир давомида вилоят ҳудудида жаноза вақтида ош бериш тартиби ҳақида қарор қабул қилинди. 

Анжуман ниҳоясида барча иштиокчиларга махсус сертификат ҳамда намунали имомларга ташаккурномалар тақдим этилди.