Коронавирусга қарши эмлашнинг биринчи босқичи давлат ҳисобидан амалга оширилади. Бу ҳақда Соғликни сақлаш вазирининг биринчи ўринбосари Марат Шўранов маълум қилди.

– Биз Қарағанди фармацевтика заводида вакциналар етказиб бериш жадвалини тасдиқладик. 90 минг доза февраль ойида етказиб берилади. Март ойида яна 150 минг доза, кейинги ойларда 600 минг доза ишлаб чиқарилади. Апрель ва май ойларидан бошлаб аҳолининг аксарият қисмини эмлаш имкониятига эга бўламиз, – деди Марат Шўранов журналистларга. 

Бош вазир ўринбосари, шунингдек, Қозоғистон вакцинаси бир вақтнинг ўзида ишлаб чиқарилишини таъкидлади. 

– Бу, ўз навбатида, аҳолини эмлаш билан қамраб олиш даражасини оширади. Умуман олганда, йил охирига қадар 6 миллион кишини эмлашни режалаштирмоқдамиз. Бироқ, бунинг учун вакцина тайёр бўлиши керак. Бепул тиббий ёрдамнинг кафолатланган миқдори доирасида эмлаш давлат ҳисобидан амалга оширилади. Тегишли маблағ ҳукумат захирасидан ажратилади, – деди у. 

Эслатиб ўтамиз, коронавирусга қарши вакциналаш Қозоғистонда 1 февралдан бошланади. Бундан ташқари, 18 ёшгача бўлган болалар ва 65 ёшдан ошган одамларда эмлашнинг самарадорлиги ва хавфсизлиги тўғрисида маълумот йўқ, шунинг учун ушбу ёш гуруҳидаги одамлар эмланмаслиги керак.