Вилоятимизда суюлти­рилган газ баҳоси арзон­ла­шиб, унинг минта­қага аж­ратиладиган ҳажми 11500 тоннага ортди. Бун­дай кўрсаткичга вилоят ҳо­кимлиги ваколатли идора билан ҳамкорликда олиб борган тадбирлар нати­жасида эришилди. 

Хуллас, вилоятдаги автогаз қуйиш шоҳобчаларидаги баҳо 2017 йил бошидаги нарх­га нисбатан 7 тенгегача ар­зонлашди, литри 59-60 тенгени ташкил қилди. 

Айтиш жоизки, ўтган йилнинг шу даври билан таққослаганда Энергетика вазирлиги томонидан Жанубий Қозоғистон вилоятига 4000 тонна суюлтирилган нефть гази ажратилиб, у вилоятнинг эҳтиёжини тўлиқ қондиролмагани учун баҳоси кўтарилиб кетган эди.

Ёдингизга солсак, 2012 йил 9 январда “Газ ва газ билан таъминлаш тўғрисида” Қонуни қабул қилингач, соҳада давлат мувофиқлаштируви татбиқ этилган. Мазкур давлат қонунига мувофиқ, республиканинг ички бозоридаги талабни қондириш мақсадида Энергетика ва­зирлиги Ҳукумат белгилаган тартибга кўра, ички бозорни имтиёзли баҳода суюлтирилган газ билан таъминлаш режасини тасдиқлади.

Бугунги кунда вилоятимизда 27 мингдан зиёд автомобиль суюлтирилган газдан фойда­ланади. Автогаз қуйиш шо­ҳоб­­­­­­­­чаларининг сони икки бараварга ортиб, 240тага етди. Вилоятимизда ҳар куни 20та автомобилга газ баллон ускунаси ўрнатилади.