Туркистон шаҳридаги “Ҳазрат Султон” халқаро аэропортига олиб борадиган йўл бўйига 140 минг туп турли манзарали дарахт кўчатлари ўтқазилди. Мутахассисларнинг фикрича, бир неча йилдан сўнг ушбу ҳудуд хушманзара дарахтзорга айланади. 

Яшилликка бурканган шаҳардаги қурилиш ишларини текширишга борган вилоят ҳокими Ўмирзақ Шўкеев мутасадди раҳбарларга аниқ топшириқлар бериб, ишларни тезлаштиришни топширди. Шаҳарда бунёдкорлик тадбирлари қизғин олиб борилмоқда. 

Туркистонда янги тизимли истироҳат боғи яратилмоқда. У баҳорда фойдаланишга топширилади. 

Шунингдек, 28 гектарни ташкил қилувчи шаҳар дендробоғига 12 мингдан зиёд дарахт кўчатлари ўтқазилади. Бир неча истироҳат боғи ўтган йили фойдаланишга топширилди. ”Ҳазрат Султон қўриқхона музейи” ҳудудини ободонлаштиришнинг дастлабки босқичи – “Марказий истироҳат боғи” ҳам жорий йилда фойдаланишга топширилади.

Туркистон шаҳрини туркий оламнинг маънавий марказига айлантириш мақсадида очиқ осмон остидаги музей, маданий ҳордиқ ўринлари аҳоли ва 

сайёҳларга хизмат кўрсатмоқда. Шаҳарнинг тарихий маркази ҳудудида хусусий сармоялар ҳисобидан республикада бебаҳо кўптармоқли “Карвон Сарой” сайёҳлик мажмуаси қад ростламоқда. Унда ёпиқ бозор, меҳмонхоналар, амфитеатр, қайиқлар сузишига мўлжалланган бир неча сув ҳавзаси, ўйингоҳ маркази, шунингдек, халқаро даражадаги меҳмонхоналар фаолият юритади. 

Ўмирзақ Естайули маданий-маънавий марказдаги қурилиши қизғин кетаётган майдонларда ишларни кўздан кечириб, пудратчи компаниялар раҳбарларига қурилиш сифати ва муддатига эътибор қаратишни топширди.