ҚРда рақамлаштиришни ривожлантириш, инновациялар ва аэрокосмик саноати вазири Бағдат Мусин хизмат сафари билан вилоятимизга келди. У минтақани рақамлаштириш соҳаси билан танишиб, қатор иншоотларни оралади.

Дастлаб вазир Ўрдабоши тумани Бодом қишлоғидаги технологий сут-товар фермасига бориб, корхона фаолияти билан яқиндан танишди. Ферма европалик товар ишлаб чиқарувчиларнинг илғор технологиялари билан жиҳозланган.

Вазирга сигир соғишга мўлжалланган автомат роботлар, жониворларни тозалайдиган ва жониворларнинг касалларини аниқлайдиган янги технологиялар лоийҳаси таништирилди.

 Б. Мусин тумандаги Жусансай ва Аққўйли қишлоқларини ҳам оралаб, интернет таъминоти билан қизиқди. У ерда “+250+” лойиҳаси ишга туширилиб, кенг тармоқли интернат алоқаси аҳолига хизмат қилишни бошлаган эди. Икки қишлоқда интернет тезлиги текширилиб, унинг пастлиги аниқланди.

Бу лойиҳа сифатига масъул операторлар, жорий йилнинг июнига қадар алоқа сифатини яхшилашга ваъда беришди.

Биз созловчи сифатида интернет сифатини таъминлаб олмаган операторларга жарима солишда давом этамиз, – деди Бағдат Мусин. – Унинг сифатидан аҳоли мамнун бўлиши керак.

Минтақага сафари чоғида вазир “Turkistan 109” ягона алоқа маркази фаолияти билан ҳам танишди. Ўтган йили ноябрь ойида очилган ушбу марказга турли соҳалардан 12 мингдан зиёд мурожаат тушган.

Б. Мусин Кентов трансформатор заводига ҳам бориб, автоматлаштириш тизими билан танишди. Муқаддам корхона мутасадди вазирликдан янги технологияларни жорий этиш, яъни иш жараёнини роботлаштириш учун инновациявий грант олган эди. 

 Бағдат Мусин, заводдан чиқиб, “Фуқароларга мўлжалланган ҳукумат” давлат корпорацияси”нинг вилоят филиалига ташриф буюрди ва корхона жамоаси билан учрашди.