Қозоғистон Республикаси Парламент Мажлиси де­пу­татлари, “Нур Отан” партияси фракцияси аъзолари Абди­манап Бектурғанов, Қудай­берген Ержан, Сакен Қанибеков, Мансурхан Махамбетов хиз­мат сафари билан Қазиғурт туманида бўлиб, қатор учра­шувлар ўтказишди.

Эрталаб улар туман ҳокимлиги биносида фуқароларни шахсий масалалари бўйича қабул қилишди. 

– Депутатларнинг бугунги биринчи вазифаси – Қозоғистоннинг ижти­моий-иқтисодий тараққиётига ҳисса қўшиб, элимизда олиб борилаётган сиёсий ва маъна­вий ислоҳотларни қўллаб-қув­­­ватлашдан иборат. Биз халқ фаровонлигини ошириш йў­на­лишида аҳоли муаммоларини вақтида ҳал этиш мақсадида ҳар чоракда минтақаларда  учрашувлар ўтказамиз.

Хизмат сафари да­во­­­­­­мида бугун­гидек қабуллар уюш­тириб, маҳаллий аҳолининг иж­тимоий-иқтисодий талаб-истакларини, арз-шикоятлари ҳамда минтақадаги энг мураккаб масалаларни аниқлаб, уни ҳал этишга доир тавсиялар берамиз, – дейди депутатлар гуруҳи етакчиси А. Бектурғанов.

Шу куни улар тумандаги Қизил­қия овул округида жойлашган “Амангелди” МЧБнинг боғида со­ҳибкор билан суҳбатлашишди.  Учрашув чоғида халқ номзодлари “100 аниқ қадам” Миллат Режаси ҳамда ижтимоий-иқтисодий ислоҳотларни амалга ошириш йўллари ҳа­қи­­­­да гапириб, боғбонларнинг са­волларига жавоб беришди.