Минтақада 2004 йилдан буён “Яшил эл” дастури доирасида йил давомида 1000дан  зиёд  ёшлар меҳнат лагерларига юборилса, жорий йилда 15 минг нафардан зиёд ёшлар мавсумий иш билан таъминланган. Бу ҳақда Минтақавий коммуникациялар хизматида ўтган брифингда вилоят ёшлар сиёсати бошқармасининг бошлиғи Балмаржан Нарбекова маълум қилди. 

Ёшлар бўш вақтлардан унумли фойдаланишлари учун барча шароитлар яратилмоқда. Бунинг учун республика бюджетидан 63,1 млн. тенге маблағ ажратилиб, 1275 нафар ёш сарбозлар вақти-вақти билан кўкаламзорлаштириш ишларига жалб этилган, июнь ойида 205 нафари иш билан таъминланган.

– “Яшил эл” меҳнат лагерларига жалб этилган ёшларнинг асосий қисми ЖҚДУ, ЖҚДПИ ва Шимкент аграр коллежи талабалари бўлса, туман, шаҳарлардаги ишсиз ёшлар ҳам шулар қаторида. Уларнинг ўртача маоши 60-65 минг тенге, – деди Б. Нарбекова.

Шунингдек, бошқарма бошлиғи туман, шаҳарларда қурилаётган иншоотларда 424 нафар талаба меҳнат қилаётганини ҳам айтиб ўтди. 

“Мангу эл ёшлари – Индустрияга”, “Серпін-2050” режаси асосида 3 йилнинг якунига кўра  олий ўқув юртларида 4587 ёш билим олмоқда. 

Ёшларнинг бўш вақтларидан унумли фойдаланишлари учун  бошқарма томонидан жуда кўп тадбирлар амалга оширилмоқда. Шулардан бири – барча туман, шаҳар марказларида тузилган “Кўнгиллилар мактаби”да вилоят бўйича ҳозирги кунда 4 мингдан зиёд ёшлар бор. Улар иштирокида йил бошидан буён 300дан ортиқ хайрия тадбирлари ўтказилган.