Журналнинг асосий мақсади – ёшларга Қозоғистон тарихий ҳақиқатини англатиш, ижод аҳли, тарихчи олимларимиз ва кенг жамоатчилик эътиборини яқин тарихимизни чуқур ўрганиш, тадқиқ қилиш, бу борадаги бор ҳақиқатни тўлиқ очиб бериш. Бундан ташқари, журнал Ватанимиз озодлиги йўлида курашларда матонат кўрсатган юртдошларимиз, мустабид тузум қурбони бўлган фидойи Ватандошларимиз хотирасини абадийлаштириш, қатл этилган зиёлиларимизнинг илмий-ижодий меросини чуқур ўрганиш, ёшлар қалбида Ватанга муҳаббат туйғуларини юксалтиришни ҳам мақсад тутган. Нашр замонавий инфографика, сифатли суратлар ва кучли дизайни билан ажралиб туради. Журналнинг биринчи сони Астананинг таваллуд кунига бағишланиб “Бозоқдан Астанагача” деган мавзуда чиқди. “Қазконтент” ҲЖ Бошқарма раиси А. Кочетовнинг айтишича, энди журнал қозоқ ва рус тилларида ойига бир марта нашр этилади. Шунингдек, у “Қозоғистон тарихини кенг миқёсда изчил ўрганадиган, бу борада холислик ва тарихийлик тамойилларига қатъий амал қиладиган журнал бўлади”, деди у. Электрон нашр ҳажми – 50 саҳифа. 

Янгиланган журналда обод ва гўзал Астананинг тарихи билан бир қаторда бугунги жозибали ва нурли ҳаётидан қизиқ эсдаликлар, инфографикалар чоп этилди. Тақдим этилган NDH DIGEST тармоқ журнали – келажакда қадим тарихимиз билан Мустақиллигимизни улуғлайдиган бош ахборот воситаси бўлишига ишончимиз комил.