Йигирма биринчи аср – рақамли тех­­­­­­­­­­нологиялар дав­­­ри. Замонавий суръат­­­­ларда ишлашни ис­­­­та­­ган ҳар бир корхона ўз фаолиятини ре­­жа­лаштириши ва таҳ­­лил қилиши  учун янги ах­­­­­­­­­­­­­­­­­­бо­рий дастурлардан фой­даланишга маж­бур. 

Зеро, улар нафақат кор­хоналарнинг ички фа­­олияти, балки бош­қа ташкилотлар, корхоналар, халқаро корпорациялар билан муносабатларига ҳам ижобий таъсирини кўрсата олади.

Европа Тикланиш ва Тараққиёт банки ҳамда “Тенгизшевройл” ком­панияси биргаликда ташкил этган ҳам­­­­­­­­­­кор­­­­лик дастури ком­­­панияга зарур маҳсу­лот­­ларни етказиб бе­ри­­­­­­­­­ши мумкин бўл­­­ган Қо­­зоғистон кор­­хоналари учун мўл­жалланган. 

Дастур ишлаб чиқа­риш ва бошқарув анда­заларини халқаро да­­ра­жага кўтариш, хо­риж корхоналари би­­лан тенгма-тенг ра­қо­­­­­­­­­­­­­батлашиш ва ташқи бо­­­зорларга чиқишга ёр­дам беради. Ви­ло­ятимиздан бу дастурда икки корхона иштирок этмоқда. 

ЕТТБ таҳлилчиси Махаббат Кабированинг ай­тишича, маҳсулот ва хизматларда маҳаллий маҳсулотлар улушини ошириш Қозоғистон Респуб­ликаси Ҳукумати эътиборидаги масала. Мазкур дастурнинг мамлакатнинг мунтазам ўсиши ва ишлаб чиқаришни хилма-хиллаштиришдаги аҳа­мияти юксак. Дастур давлат-хусусий ҳамкорлиги  доирасида амалга оширилмоқда. 

Дастурда қатнашаётган Шимкентнинг “Кон­такт” масъулияти чекланган биродарлиги куйишга қарши дори-дармонлар,тиббий техника, тез тиббий ёрдам воситаларини етказиб берувчи энг йирик корхоналардан бири. 

– Дастурнинг биринчи босқичини амалга оширар­канмиз, рақамли шаклда ҳужжат алмашишни жорий этдик, – дейди МЧБ директори Татьяна Коробова. 

– Натижада, шартномалар бўйича келишиб олиш ва имзолаш жараёни 2-5 кунгача қисқариб бошқа жараёнлар енгиллашди. Ҳисобга олиш тизимини тўла бирлаштирган интернет-магазинни ишга тушира олдик. Натижада, савдо-сотиқнинг 34 фои­зи онлайн тартибида амалга оширилмоқда, сав­до ҳажми 30 фоизгача кўтарилди. 2020 йилгача ўзаро ҳамкорликнинг яна бир босқичидан ўтишни режаламоқдамиз.

“Karlskrona LC AB” корхонаси директори Алимжан Усенбаев дастурнинг амалдаги фойдаси ҳақида шундай ҳикоя қилди:

– Уч йиллик амалиёт давомида биз бошқарув жараёнини автоматлаштиришни жорий этдик. Шу жумладан бухгалтерлик ҳисобини ҳам автомат­лаштириш ҳисобига ходимларнинг вақти ва кучи тежалди. Мустаҳкам ташкилий асосга қўйилган корхонамизнинг имкониятлари ҳам, истаклари ҳам ортди. Келажакда биз «Тенгизшевройл»га  асбоб-ускуналар етказиб беришни режаламоқдамиз.