16 июль куни Астана шаҳрида Комор ороллари Иттифоқи сармоячилар миллий агентлиги бош директори Саид Муҳаммад Умар матбуот анжумани ўтказди. Ўз чиқишида у ватанининг тикланувчи энергетика ривожига қўшаётган ҳиссаси, шунингдек, Комор оролларига сармоялар жалб этиш истиқболлари ҳақида гапирди. 

– Биз ҳозир тараққиётнинг янги босқичидамиз, – деди Саид Муҳаммад Умар. – Бизда маҳаллий ва хорижий сармоядорлар учун барча шарт-шароитлар яратилган. Мусаффо энергетика туфайли эса экологик тоза муҳит яратишга муваффақ бўлмоқдамиз.

Анжуманда иштирок этган Қозоғистон Республикаси Ахборот ва коммуникациялар вазири ўринбосари Алан Ажибаев ўз сўзида ЭКСПО-2017 нинг жаҳон миқёсида долзарб масала – тикланувчи энергетика мавзусига бағишлангани боис, унинг барча мамлакатлар тараққиётига хизмат қилишига алоҳида урғу берди. Нотиқнинг фикрича, кўргазма мусаффо энергетика тўғрисида турли томонларнинг фикр алмашиши учун катта имкониятлар бермоқда.