ЭЛБОШИ КОРЕЯ РЕСПУБЛИКАСИНИНГ СОБИҚ ПРЕЗИДЕНТИ ЛИ МЕН БАК БИЛАН УЧРАШДИ.

Давлат раҳбари Корея Республикасининг собиқ Президентини Қозоғистонга ташрифи билан қутлаб, ЭКСПО-2017 Халқаро кўргазмасида Корея Республикаси павильонининг очилиш маросимида иштирок этгани учун миннатдорчилик билдирди. 

Элбоши Ли Мен Бак Давлат раҳбарлиги даврида икки мамлакат ўртасида ўзаро ишонч, очиқлик ва ҳамфикрлик қарор топганини юксак мамнуният билан таъкидлади, унинг Қозоғистон ва Корея ўртасидаги кўп қиррали ҳамкорлик дастурини амалга оширишга қўшган ҳиссасини юқори баҳолади.

– Давлатларимиз ўртасидаги ҳамкорлик Сизнинг Корея Республикаси Президенти вазифасидаги фаолиятингиз даврида янги стратегик босқичга чиқди, бунинг замирида жуда катта заҳматли меҳнат бор, – деди Нурсултан Назарбаев.

Қозоғистон ва Корея Республикаси муносабатларининг истиқболлари атрофлича муҳокама қилинар экан, ўзаро фойдали бўлган барча соҳаларда юқори технологияли қўшма лойиҳалар сонини оширишдан икки томон ҳам бирдек манфаатдор экани таъкидланди. 

Ўз навбатида Ли Мен Бак Нурсултан Назарбаевга давлат фаолиятида улкан омад ва муваффақиятлар, Қозоғистон халқига эса тинчлик ва янада юксалиш тилакларини изҳор этди.