2017 йилнинг 1-июнига қадар Жанубий Қозоғистон вилоятининг аҳолиси сони 2894816 нафарга етди. Улардан шаҳар жойларда 1317031, қишлоқ жойларда 1577785 фуқарони ташкил этди. Ўтган йил билан таққослаганда аҳолининг сони 1 фоизга ёки 28448 кишига ортган. Бу ҳақда минтақавий коммуникациялар хизматида ўтган брифингда Жанубий Қозоғистон вилояти Статистика департаментининг бошлиғи Айдар Абилдабеков маълум  қилди.

– Республика бўйича бизнинг вилоят туғилиш ва демографик кўрсаткичлар бўйича 1-ўринда. Жорий йилнинг беш ойи мобайнида вилоят туғилиш жиҳатидан республикада олдинги қаторда. 2017 йил январь-май ойларида 1000 нафар қиз, 1076 нафар ўғил болалар дунёга келди. Бу ерда ўғил болаларнинг туғилиш тенденцияси сақланланмоқда, – деди Айдар Ахметбекули.

Аҳоли умумий сонининг ўзгаришига демографик ўсиш яъни туғилган ва вафот этганлар сонининг ўзгариши таъсир қилади. 2017 йил январь-май ойларида вилоятда аҳоли 25234 нафарга кўпайган.

Жорий йилнинг биринчи ярмида аҳолининг ўртача ойлик даромади 41069 тенгени ташкил этган бўлса, 2016 йилнинг шу даври билан таққослаганда 1,1 фоизга ортган. 2017 йил биринчи чорагида вилоят бўйича бир ходимнинг ўртача ойлик маоши 95705 тенгени ташкил этган бўлиб, 2016 йилнинг ушбу чораги билан таққослаганда 3 фоизга ортган. 

Йиғилишда департамент раҳбари журналистлар томонидан меҳнат ҳақи, озиқ-овқат баҳоси, савдо-сотиққа оид саволларга жавоб берди.