Жанубий Қозоғистон вилоят уюшган жиноятчиликка қарши Миллий бюро департаменти ходимлари текширув нати­жаларига ижобий хулоса учун 7 млн. тенге пора олаётган пайтида вилоят тафтиш комиссияси раиси С. Шалабай ва ушбу ташкилотнинг бош аудитори Б. Қудияровни қўлга туширишди. 

С. Шалабай вақтинча тергов изоляторига жўнатилди, Б. Қудияров эса жиноятни очишда орган ходимларига ёрдам бергани учун шу  ернинг ўзида бўшатиб юборилди. Бу ҳақда уюшган жиноятчиликка қарши Миллий бюро департаментининг сайтида хабар қилинди. Ташкилотнинг вилоятдаги филиалида бу воқеага изоҳ беришмади. 

***

Жанубий Қозоғистон вилояти бўйича  Давлат даромадлари департаменти матбуот хизматининг хабарига кўра, ушбу ташкилот иқтисодий жиноятларни қидирув бўлимининг қалбаки гувоҳномаси билан фирибгарлик қилиб юрган журналист-муҳаррир  пора олаётган пайтида қўлга олинди. 

Бош муҳаррир  иқтисодий жиноятчиликка қарши кураш бўлими ходимиман деб, тадбиркордан ўйин бизнесини ҳимоя қилиб юриш учун 5 миллион тенге талаб қилган. У поранинг бир қисмини вилоят прокуратурасига яқин жойга олиб келишни буюрган.  Фирибгар  100000 тенге олгач, махсус орган ходимлари келиб, жиноят устида қўлга олишган. Ундан мусодара қилинган  махсус белгиси бор қоғоз пуллар ҳамда қалбаки гувоҳнома судда далилий ашё сифатида фойдаланилади.