Ҳар гал «Орзу» боғча­­­сига кел­­ганимизда... Нурга тўлсин бу ёруғ дунё... қў­­шиғининг сатр­лари ёд­­га тушади. Собиқ ви­­лоят мас­лаҳати депутати, ҳу­­нар коллежи директори Муталлиб Йўлдошевнинг орзу-ҳавасини ушбу бо­лалар олами мисолида унинг фар­зандлари ва умр йўлдоши Насиба амалга оширди. 

Марҳум Муталлиб ака ҳа­қи­да «Жанубий Қозоғистон» газетаси саҳи­фаларида кўп ма­қо­лалар эълон қилинарди. Ҳар сафар уни депу­­­­татликка сайлаш жараёнида га­зета ҳам, мухбирлари ҳам холис ва ҳалол хизмат қилганлари ҳа­­­­­қиқат. Мусибатли ўлимидан сўнг М. Йўлдошев ҳақида ви­лоят газетаси «Жанубий Қо­зо­­­ғистон»да хотира мақола­лари саҳифа кўламида тўх­тов­сиз чоп этилди. Бунинг ҳам­­­­маси таҳририятнинг Тур­кис­тон бўлими ташаббуси эди. Муталлиб аканинг болалар боғ­часини очиш орзусини тўлиқ амалга оширишда давлатимиз, хусусан, шаҳар ҳокимлиги ҳам­корлиги ва ёрдами катта. Ҳар бир тарбияланувчи гўдак учун сармоя ажратиб, ёш ав­­лод­нинг келажагига ғамхўрлик қила­ётган дав­ла­­­тимизга, Элбо­шимизга раҳмат айтамиз. 

Давлатимиз ва Элбошимиз сиёсатини она тилида етка­заётган «Жанубий Қозо­ғистон» газетасининг ҳар олти ойда бир марта келадиган обуна мавсумига ҳам боғча жамоаси жиддий эътибор қаратиши керак, деб ўйлаймиз. Марҳум Муталлиб ака агар ҳаёт бўл­ганларида «Орзу» болалар боғчасида обуна ҳозиргидан анча кўп ва мунтазам бўларди. 

Ўтганларнинг руҳини шод этиш, уларнинг ҳаётлигида қадрлаган неъматларини қадр тутиш кейинги авлод бурчидир. 

Суратларда: боғча маъмурияти ва мураббийлари; “Орзу” болалар боғчаси дарвозаси.