Жанубий Қозоғистон вилоятининг ташқи товар айланими жорий йилнинг 6 ойида 928 млн. АҚШ долларини ташкил қилди. Бу ўтган йилнинг шу даври билан таққослаганда 169 млн. АҚШ долларга кўп. Бу ҳақда брифингда Жанубий Қозоғистон вилояти бўйича Давлат даромадлари департаментининг раҳбари Алтинсари Умбеталиев маълум қилди.

Шунингдек, товарлар экспорти 37 млн. АҚШ долларига ортган. Вилоятимиз экспортининг асосий ҳамкорлари Нидерландия (39 фоиз) билан Ўзбекистон (32 фоиз) давлатлари.

Департамент раҳбарининг маълумотига кўра, минтақадаги товарлар импорти 140 млн. АҚШ долларига ёки 34 фоизга ортган. Импорт бўйича вилоятнинг асосий ҳамкорлари Хитой ва Ўзбекистон давлатларидир. 

– Таъкидлаш жоиз, Қозоғистон Республикасининг Президенти Нурсултан Назарбаев ва Ўзбекистон Президенти Шавкат Мирзиёевнинг ташаббуслари янги жўшқинлик олиб келиб, натижада йил бошидан буён икки давлат орасидаги иқтисодий аҳвол жонланди. Ўзларингиз гувоҳ бўлгандай, жорий йил 13 июлида “Атамекен” “Сирдарё” ҳамда “Целинний” божхона ва ўтказиш бекатлари очилгани, икки эл ҳамкорлиги ва бирлигини орттирибгина қўймай, товар айланимининг ўсишига, савдонинг ривожланишига ҳам ижобий таъсирини кўрсатиши шубҳасиз, – деди Алтинсари Умбеталиев.

Шунингдек, департамент раҳбари 2017 йилнинг 1-ярим йиллик иш натижаси билан божхона тўловлари ва солиқлар ўтган йил билан таққослаганда 3,1 млрд. тенгега ортиб, 113 фоизга ўсганини айтди.

Брифингда департамент раҳбари сўнгги пайтда хусусий сармоялар бозорида мамлакатимизда молия пирамидалари жонланаётгани, фуқаролар алданиб қолишининг олдини олиш мақсадида маслаҳат бериб, тушунтириш ишларини юритиш учун  оммавий-ахборот воситалари билан ҳамкорликда ишлашга чақирди.