Жаҳон саёҳат ва туризм кенгаши (World Travel and Tourism Council — WTTC) эълон қилган янги ҳисоботда Қозоғистон туризм тармоғи жадал тараққий этаётган давлатлар рўйхатига киритилди. 

 Аввал хабар қилганимиздай, вилоятимизда сайёҳликни ривожлантириш борасида амалга оширилаётган кенг кўламли тадбирлар ўз натижаларини бермоқда. Бугунги кунда юзлаб замонавий меҳмонхоналар, дам олиш масканлари сони кўпайиб, сервис хизматининг сифати тобора яхшиланиб бораётгани ана шундай кенг қамровли ишлар самарасидир.

Буюк Ипак йўлида жойлашган вилоятимиз халқаро туризмни ривожлантириш учун энг қулай минтақалардан бири.

Мазкур тармоқ салоҳиятидан янада самарали фойдаланишга йўналтирилган чора-тадбирлар режаси белгиланиб, муваффақиятли амалга оширилмоқда. Жумладан, янги сайёҳлик йўналишлари ишлаб чиқилаяпти, мавжуд транспорт коммуникациялари қайта таъмирланиб, янгилари барпо этилаяпти.

 Бу муҳим ишга вилоятимиз ёшлар ташкилотлари ҳам муносиб ҳисса қўшмоқда. Якшанба куни вилоят ёшлар захира маркази ўтказган санъат кўргазмаси ҳам туризмни ривожлантиришга бағишланди. 

Уч кун давом этган тадбирда иштирок этган бир гуруҳ ёшларга мутасадди ташкилотларнинг Диплом, Фахрий ёрлиқ ва сертификатлари топширилди. 

Тасвирда: тадбирдан лавҳалар.