Астанада ўтаётган ХIII Халқаро “Еуразия” кино­фестивали доирасида болалар кинофестивали тантанали равишда очилди. 

Тадбирни очган Қозоғистон республикасининг маданият ва спорт вазири Аристанбек Мухамедиули, “Миллий кинематография санъати ва олимлари академияси” жамоат бирлашмаси президенти Айман Мусахўжаева, Астана шаҳрининг ҳокими Асет Исекешов ва “Оскар” ҳамда “Олтин глобус” соҳиби Николас Кейдж болаларга муваффақият тилашди. 

Кўплаб хорижий тан­лов­ларда совринли  ўринлар олиб юрган “Celebrity” шоу-мим болалар театрининг иштирокчилари саҳ­нала­ган қувноқ спектакль фестивалга файз бағиш­лади. Анжуман пайтида Қозоғистон, Фран­­ция, Нидерланд, Хитой, Аф­ғонистон, Эрон, Ҳиндистон каби кўплаб  эллар ижодий гуруҳларининг 15 фильми намойиш этилди. 

Киноанжуманнинг ҳа­­­­­камлар ҳайъати қозо­ғистонлик иқти­дорли бо­ла­­­­лардан иборат. Улар “Үздік фильм”, “Үздік сце­нарий”, “Үздік бала бей­несі” номинациялари бўйича ғолибларни аниқлайди. Ҳа­кам­лар ҳайъатининг раиси Нурбек Садуақасов Астана шаҳридаги 56-сонли мактаб-лицейнинг 11 синф ўқувчиси. У “Celebrity” шоу-мим болалар театрининг фаол аъзоси. Театр жамоаси 2016 йили Болгарияда ўтган “Golden Dream” халқаро танловида гран-при, 2016 йили Сочи шаҳрида ўтган “Кинотаврик” санъат фестивалида бош совринга эга бўлган. 

Беш кун давомида бола­лар танловида иштирок этаётган кино асарини холис баҳолаб, энг яхшиларини аниқлаймиз. Мен учун энг муҳими – сюжет умумийлиги ва асар тугуни”, дейди у. Ҳакамлар кенгашининг энг кичкинтой аъзоси – Аделя Абдуллина. У қозоқ миллий мусиқа академиясининг 2 синф ўқувчиси. 

Ҳозир болаларга бағиш­ланган ҳазил-мутойиба фильмининг тадбирларида қатнашмоқда.