ШИМКЕНТДА ОИЛАДАГИ ТОТУВЛИКНИ МУСТАҲКАМЛАШГА БАҒИШЛАНГАН  КАТТА КОНЦЕРТ ДАСТУРИ НАМОЙИШ ЭТИЛДИ

Аввал хабар қилга­нимиздай, ҚР Бош про­куратурасининг “Ои­­­­­­­ла­даги зўравон­­­­ликларсиз Қозоғистон” пилот ло­йиҳаси амалга оши­ри­лиши муносабати би­лан якуний гала-кон­­­­­­­­­­­­­­­­церт ўтди. Унда рес­публикамизнинг та­­­­ниқ­ли эстрада юл­дузлари Роза Рим­ба­е­ва, Жубаниш Жек­сенули, Нағима Есқа­лиева, Алтинай Жўра­баева, Шахизада, Сәкен Майғазиев, Жанбўлат  Ербатиров, Жазира Ба­йирбекова ва бошқа санъаткорлар иштирок этиб, шимкентликларга кўтаринки кайфият ба­ғишлади.

Элбоши Нурсултан На­зар­баевнинг “Кела­жак­ка йўлланма: маъна­вий янги­ланиш” мақо­­­­ласида тилга олин­ган вазифаларни амалга ошириш борасида эли­мизда илк бор амалга оширилаётган лойиҳанинг мақсади – оилавий жанжалларнинг олдини олиб, бирлигини сақлаш, зўравонлик кўринишларини бартараф этишга қаратилган тадбирлар  ўтказиш, шунингдек, урф-одат,  анъаналаримизни асраш ва янгилашдан иборат.

Лойиҳанинг раҳбари  ҚР Бош прокурорининг катта ёрдамчиси Салтанат Турсинбекова зўравонликка қарши ҳаракатлар ислоҳотининг асосий йўналишларига тўхталиб ўтди. 

Мазкур лойиҳани юртга кенг тарғиб қилиб, кўпчиликни қизиқ­тираётган саволларга жавоб бериш мақсадида прокурорлар, ҳатто, Шимкент бозорларида очиқ қабуллар ўтказиб,  минтақадаги 26 қишлоқ округида учрашувлар ташкиллаштиришди.