Астана шаҳрида ўтган ХІІІ Халқаро «Еуразия» кинофестивали доирасида ўтган «Бес құрлық»  болалар фестивалида вилоятимизнинг «САҚ» киностудияси ҳам фаол иштирок этди. Ижодий жамоанинг «Қазақ Елі» тўламетражли анимацион фильми фестивалнинг «Энг яхши сценарий» номинацияси бўйича ғолиб бўлди. 

Канн, Берлин, Венеция фестиваллари даражасидаги фестиваль сифатида тан олинган мазкур тадбир Марказий Осиёдаги етакчи киноанжуманлардан ҳисобланади.

Тантанали тадбирда «Қазақ елі» анимацион фильм режиссери, вилоят маданият бошқармаси «Оңтүстікфильм» ДКК директори, «САҚ» киностудияси сценарийчиси, режиссер Батирхан Дәуренбековга кинофестивалда фаол иштироки, болалар киносини ривожлантиришга қўшган улкан ҳиссаси учун ҚР Тўнғич Президенти – Элбоши жамғармасининг махсус мукофоти ва «Алғыс хат»и  топширилди.      

Фестиваль дастурида Қозоғистон, Франция, Нидерландия, Хитой ва бошқа мамлакатлар ижодий жамоаларининг фильмлари намойиш қилинди. «Бес құрлық»  болалар кинофестивалининг очилиш тантаналарида «Оскар», «Олтин глобус» каби кино санъатининг салмоқли мукофотлари соҳиби, америкалик актер, продюсер, кинорежиссёр Николас Кейдж иштирок этди.