Доимий обуначимиз Олимжон Абдиевнинг оиласи шифокорлардан иборат. Пири-бадавлат оиланинг мўътабар ёшдаги онахони Аяжон ая фарзанди Олимжон, невараси Дилбекларнинг саъй-ҳаракатлари билан хасталик нима эканлигини билмайди. 

Айниқса, у невараси, иқтидорли шифокор, «Ақмарал» шифохонасининг вакили Дилбекдан жуда хурсанд. Врач невара кекса бувисининг соғлиги учун бор куч-ғайрат билимини сафарбар этиб, яхши натижаларга эришмоқда. Дилбекнинг шифокорлик касбини эъзозлаб, беморлар олқишини олаётганига 7 йил бўлди. Туркистондаги университетнинг умумий даволаш факультетини 2010 йили аъло баҳоларга тамомлаб назарий билимини амалда қўллаб, яхши натижаларга эришмоқда. Халқимизда «Олтин олма – дуо ол, дуо олтин эмасму», деган ҳикматли нақл бор. Аяжон ая каби ўнлаб, эҳтимол, юзлаб беморларнинг дардига даво топиб, олқиш олаётган Дилбекка омад, зафар, ҳаловат ҳамроҳ бўлсин деймиз. Отасига, яъни Олимжон акага раҳмат, шундай фарзандни тарбиялаб, вояга етказгани учун. 

Суратларда: О. Абдиев оила аъзолари билан; Дилбек Олимжон ўғли. 

Муаллиф тасвирлари.