Қозоғистон Республикаси Бош прокуратурасининг “Оиладаги зўравонликсиз Қозоғистон” пилот лойиҳаси доирасида Ўрдабоши туманида ижтимоий-руҳий қўллаб-қувватлаш маркази иш бошлади.

Бу ерда турмуш ўртоғидан жабр кўриб, зўравонлик надоматларини тотганлар, ичимлик ва гиёҳванд моддаларга ружу қўйганларга руҳий ёрдам кўрсатилади. 

Марказнинг очилиш маросимида туман ҳокими 

А. Мамитбеков, Қозоғистон Республикаси Бош прокурорининг катта ёрдамчиси 

С. Турсинбекова, туман прокурори Б. Булеулиев қатнашиб, лойиҳанинг аҳамиятига тўхталдилар.

– Оиладаги жанжаллардан ички ишлар бўлимларига арз қиладиганлар кўп. Бу жамиятимизнинг оғриқли нуқтаси. Зўравонлик туфайли жамиятимизда кўплаб кўнгилсиз ҳолатлар юз бермоқда. Ажралишлар кўпайиб, натижада, болалар тўлақонли тарбия ололмаяпти. Ўринли маслаҳат, ёрдам ололмаган қизларнинг норасидаларини ташлаб кетаётгани ачинарли ҳол. Марказ ўзига юкланган вазифани юксак даражада бажаришига ишонамиз, – деди А. Мамитбеков. 

Туман хотин-қизлар кенгаши раиси М. Зайтун қизи оилалардаги тинчликни таъминлаш борасида оналар кенгаши олиб бораётган ишлар ҳақида гапириб берди.