Астана шаҳрида ўтаётган ЭКСПО – 2017 кўргазмаси жаҳоннинг 113 мамлакати вакилларини, миллионлаб сайёҳларни ром этишдан ташқари, халқимизни дунёга танитаётгани сир эмас. Улкан кўргазма билан бир вақтда пойтахтимизда элимизнинг иқтидорли ижодкорлари ўз маҳоратини намойиш этишмоқда. Кўчманчилар маданиятини яратган қозоқ халқининг фахри бўлган, бугунгача унутилмай келаётган санъатлардан бири эса чавандозлик ҳисобланади. Бунга оид тадбирлар “Қазанат” отчопарида кўпчиликка намойиш этилди. 

Давлат раҳбари якшанба куни “Астана ЭКСПО – 2017” тадбирлари доирасидаги «Алтын жебе» танга олиш беллашувини томоша қилди. Унда мамлакатимизнинг “отнинг ёлида ўйнайди”ган чавандозлари маҳоратларини кўрсатишди. 

Шундан сўнг мамлакатимиз Президенти Н. Назарбаев отчопар ҳудудида жойлашган “Этноовул” мажмуасини оралади. Элбошига миллий таомлар, минг йиллардан буён амалда бўлган ҳунармандчилик намуналари: олтин-кумуш буюмлар, чарм эгарлар, мусиқа асбоблари кўз-кўз қилинди. Ушбу маскандаги санъаткорлар қозоқ халқининг анъаналари ва урф-одатларини намойиш этишди.