Султонработ қишлоқ ўз­бек этномаданият маркази раиси Анормат УСМОНОВ (Анор­­­­­мат ЛОЧИН)нинг «Ҳаёт чор­ра­ҳа­лари» номли илк китоби нашрдан  чиқди. 

Шеърий тўплам кенг оммага  мўлжалланган бўлиб, унда муал­лифнинг лирик шеърлари, ёд­номалари, бағишловлари ўрин олган. Шоирнинг  Ватанга муҳаббат, халқ корига камарбаста бўлишдек эзгу ниятлар билан суғорилган шеърлари аллақачон ўз мухлисларини топган.

Китобнинг кириш қисмида Анор­мат  Лочин: 

Мақсадим – тиним билмай халқим учун ишласам,

Топган бурда нонимни ҳалол­ликда тишласам,

Умрим ёзи ўтмоқда, куз, қишини қишласам,

Оқил, пок инсонларни ҳамиша олқишласам...

деб ёзади. 

«Лочин бўлгим келади», «Ўйларимга боғландим», «Яшна, Қозо­ғистоним!», «Тянь-Шанга чорлаймиз» каби шеърларида сермаъно фикрлар, ибратли ғоялар ўрин олган. Китобдан,  шунингдек, муаллифнинг қатор ҳикоялари ҳам жой олган. 

Ўйлаймизки, шеърият шайдоларининг китоб жавони яна бир янги рисола билан бойийди.