Мактаб ўқувчиларининг ёзги таътил кунлари Сайрам даҳасидаги 12-сонли спорт мактабининг ёш спортчилари Тошкент шаҳрида ҳамда Жанубий Кореянинг Сеул шаҳрида 2002-2005 йилларда туғилган ўғил болалар ва қизлар орасида спортнинг  таэквандо туридан  ўтган Халқаро турнирларда иштирок этиб, юртимиз шарафини муносиб ҳимоя қилиб қайтишди.

Тошкентдаги мусобақа­­­лар­да Жавоҳирхон Ис­ло­мов (Ал-Фо­робий номли мактаб ўқувчиси) ва Са­ман­дар Тўламетов (З. Ҳу­санов номли мактаб ўқувчиси)лар ўз вазн тоифаларида ку­муш медаль соҳиби бўлишди, Зиёда Ирисметова ва Самир Абубакировлар (Ю. Сарёмий номли лицей-мактабининг ўқувчилари) эса бронза медалига эга бўлишди.

Сеул шаҳридаги мусоба­қаларда эса ҳамюртимиз Жаво­ҳирхон Исломов Фа­ластин, Саудия Арабистони ҳамда Озар­байжон дав­латлари спорт­чиларини доғда қолдириб, турнир ғолиби бўлди ва олтин медаль билан тақдирланди. Жасурбек Ис­роилов (92-сонли мактаб ўқувчиси) эса Таиланд, Тайпей ва Гонгконг давлатлари  спорт­чилари билан татамига чиқиб, бронза медали соҳиби бўлди. Ёш таэквандочиларни мазкур мусобақаларга спорт мактабининг таниқли устоз-мураббийи, таэквандодан спорт устаси  Мирзафар Мир­жамолов тайёрлаганди.