Жанубий Қозоғистонда Элбошининг “Келажакка йўлланма: маънавий ян­гиланиш” дастурий ма­­қоласидаги қатор топ­ши­риқларни бажариш юзасидан ишлар атроф­лича юритилмоқда. Яқинда жанубликлар, энг ав­­вало, ижтимоий та­факкурни янгилаш, яъни уни тозаликдан бошлаш зарурлигини  инобатга олиб, вилоят миқёсида махсус шанбалик уюштиришга қарор қилдилар. 

34 мингга яқин одам ва 250дан зиёд техника жалб этилган тадбирда 915,8 чақирим узунликдаги кўча ва 391,15 чақирим узунликдаги пиёдалар учун йўлаклар, 196 840 квадрат метр уй олдидаги ҳовлилар, 146 чақирим узунликдаги кўприк ва ўзан, каналлар, шунингдек, 4 046 километр узунликдаги  ирригация тармоқлари тар­тибга келтирилди. Тозаланган иншоотлар орасида май­дончалар ва хиёбонлар ҳам бор. Аниқроқ қилиб айтганда, 110та болалар майдончаси ва 81та спорт майдони, 63,8та хиёбон, 22,1та истироҳат боғи, 455та кўп қаватли уй ҳовлилари йиғиштирилиб, тозаланди. 19 389 туп дарахт ва 201та бекат оқланиб, бўялди.

Бундан ташқари, “Маънавий янгиланиш” дастурини амал­га ошириш доирасида ту­­­­­ман, шаҳар аҳоли ман­зилларида 2017 йил 21 ав­густдан 21 сен­тябргача са­нитария тозалиги ойлигини ўтказиш тадбирлари режаси тасдиқланди.