«Мактабга йўл» тадбири республикамизда бу йил ўнинчи маротаба ўтказилмоқда

Қорабулоқ қишлоғидаги Фарҳод Мўминов раҳ­барлик қилаётган Жамбил номли умумий ўрта мак­табда таълим ола­ётган етим, ярим етим, кам таъминланган оила фар­зандлари ҳам ҳомийлар мурувватидан бебаҳра қо­лишмади.

Тадбиркорлар Тоҳиржон Сай­тенов, Нозимбек Аҳмедов ҳамда Қорабулоқ масжиди хо­димлари саховатпешаликлари ила кўпчиликка ўрнак бўларли –  савобли, хайрли тадбирни амалга оширишди. Бундан кич­кинтойлар, жами 43 нафар мактаб ўқувчиларига янги 2017-2018 ўқув йилига мактаб формаси, ўқув қуроллари билан қувонч улашилди.

Тадбиркор, сахий қалб соҳиби Тоҳиржон Шомурод ўғлининг ўзи бу тадбирда 30 ўқувчига шахсий маблағидан 810минг тенге сарфлади.

Тадбиркор Нозимбек Ба­ҳо­дир ўғли ҳам ўз ҳисобидан 10 ўқувчига 150минг тенгелик маблағ сарфлади. Қорабулоқ масжиди ходимлари 50минг тенгелик ўқув қуроллари билан  ёрдам беришди. Бу тадбиркор оғаларимиз ишларига ривож, оиласига бахт-тинчлик, топганига барака тилаб қоламиз.

Мактабимиз ўқувчилар, ўқи­тувчилар жамоаси янги ўқув йилига шай. Ўқувчилар гуллаб-яшнаётган Қозоғистонимизнинг ажойиб, билимдон, рақо­бат­бардош ворислари сифатида, камол топишлари учун барча имкониятлар етарли.

Тадбирни ўтказишда яқиндан ёрдам берган устозлар Н. Су­лай­монова, Н. Муталова ҳам­­да мактаб жамоасига ўз мин­натдорчилигимни билди­раман